ಲ್ಯಾವೆಲ್ಲೆ ನೆಟ್‌ವರ್ಕ್ಸ್‌ನ ಶೇ 25ರಷ್ಟು ಷೇರು ಖರೀದಿಸಿದ ಏರ್‌ಟೆಲ್

ನವದೆಹಲಿ: ಬೆಂಗಳೂರಿನ ನವೋದ್ಯಮ ಲ್ಯಾವೆಲ್ಲೆ ನೆಟ್‌ವರ್ಕ್ಸ್‌ನ ಶೇಕಡ 25ರಷ್ಟು ಷೇರುಗಳನ್ನು ಸ್ವಾಧೀನಪಡಿಸಿಕೊಳ್ಳಲಾಗಿದೆ ಎಂದು ಭಾರ್ತಿ ಏರ್‌ಟೆಲ್‌ ಕಂಪನಿಯು ಸೋಮವಾರ ತಿಳಿಸಿದೆ. ಈ ಒಪ್ಪಂದವು ಶಾಸನಬದ್ಧ ಅನುಮೋದನೆಗೆ ಒಳಪಟ್ಟಿರುತ್ತದೆ.

ಹೆಚ್ಚಿನ ಉದ್ಯಮಗಳು ಗ್ರಾಹಕರಿಗೆ ಕ್ಲೌಡ್‌ ಆಧಾರಿತ ಅಪ್ಲಿಕೇಷನ್‌ಗಳ ಮೂಲಕ ಸೇವೆ ನೀಡಲು ಮುಂದಾಗಿರುವುದರಿಂದ ಆನ್‌ ಡಿಮಾಂಡ್‌ ಮತ್ತು ವಿಶ್ವಾಸಾರ್ಹ ನೆಟ್‌ವರ್ಕ್‌ ಸಂಪರ್ಕದ ಅಗತ್ಯವಿದೆ. ಕ್ಲೌಡ್‌ ಅಧಾರಿತ ಐ.ಟಿ. ಸೇವೆಗಳನ್ನು ಪೂರೈಸಲು ಸಾಫ್ಟ್‌ವೇರ್‌ ಪರಿಹಾರಗಳನ್ನು ಒದಗಿಸುವುದಕ್ಕೆ ಹೆಚ್ಚಿನ ಬೇಡಿಕೆ ಇದೆ ಎಂದು ಕಂಪನಿಯು ಪ್ರಕಟಣೆಯಲ್ಲಿ ತಿಳಿಸಿದೆ.