ತುಳಸಿಯಲ್ಲಿ 4 ವಿಧಗಳು: ಯಾವುದರ ಪೂಜೆ ಹೆಚ್ಚು ಶ್ರೇಷ್ಠ

ಹಿಂದೂ ಧರ್ಮದಲ್ಲಿ ತುಳಸಿಗಿಡಕ್ಕೆ ಪೂಜನೀಯ ಸ್ಥಾನವಿದೆ. ಮನೆಯಲ್ಲಿ ಪ್ರತಿದಿನ ತುಳಸಿ ಗಿಡಕ್ಕೆ ಪೂಜೆ ಮಾಡುವುದರಿಂದ ಕುಟುಂಬದಲ್ಲಿ ಸುಖ, ಶಾಂತಿ ಹಾಗೂ ನೆಮ್ಮದಿ ಲಭಿಸುತ್ತದೆ ಎಂಬ ನಂಬಿಕೆ ಇದೆ. 

ತುಳಸಿಯ 4 ವಿಧಗಳು

ಶ್ಯಾಮ ತುಳಸಿ: ​ಈ ತುಳಸಿ ಶ್ರೀಕೃಷ್ಣನಿಗೆ ಪ್ರಿಯವಾದ ತುಳಸಿಯಾಗಿದೆ. ಆದ್ದರಿಂದಲೇ ಈ ತುಳಸಿಗೆ ಶ್ಯಾಮ ತುಳಸಿಯೆಂಬ ಹೆಸರು ಬಂದಿದೆ. ಶ್ಯಾಮ ತುಳಸಿಯ ಎಲೆಗಳು ಆಳವಾದ ನೇರಳೆ ಬಣ್ಣದಿಂದ ಕೂಡಿರುತ್ತವೆ. ಇದನ್ನು ಕೃಷ್ಣ ತುಳಸಿ ಎಂತಲೂ ಕರೆಯತಲಾಗುತ್ತದೆ. ಮಾತ್ರವಲ್ಲ, ಹೆಚ್ಚಾಗಿ ಇದನ್ನೇ ಪೂಜಿಸುವುದನ್ನು ಕಾಣಬಹುದು.

ರಾಮ ತುಳಸಿ​: ಶ್ರೀ ರಾಮನಿಗೆ ಸಮರ್ಪಿತವಾದ ತುಳಸಿಯೇ ರಾಮ ತುಳಸಿ. ಮನೆಯಲ್ಲಿ ರಾಮತುಳಸಿ ಇದ್ದರೆ ಸುಖ, ಶಾಂತಿ ನೆಲೆಸುತ್ತದೆ ಎಂಬ ನಂಬಿಕೆ ಇದೆ. ದುಷ್ಟ ಶಕ್ತಿ ಹಾಗೂ ನಕಾರಾತ್ಮಕತೆಯಿಂದ ಮನೆಯವರನ್ನು ರಕ್ಷಿಸುತ್ತವೆ ಎಂಬ ನಂಬಿಕೆ ಇದೆ. 

ವನ ತುಳಸಿ ಅಥವಾ ನಿಂಬೆ ತುಳಸಿ​: ವನ ತುಳಸಿಯನ್ನು ಅರಣ್ಯ ತುಳಸಿ ಎಂತಲೂ ಕರೆಯುತ್ತಾರೆ. ಇದು ಬೇರೆಲ್ಲಾ ತುಳಸಿಗಿಡಕ್ಕಿಂತ ಎತ್ತರವಾಗಿ ಮತ್ತು ದೈತ್ಯವಾಗಿ ಬೆಳೆಯುತ್ತದೆ. ಆದ್ದರಿಂದಲೇ ಇದಕ್ಕೆ ವನ ತುಳಸಿ, ಅರಣ್ಯ ತುಳಸಿ ಎಂಬ ಹೆಸರು ಬಂದಿದೆ. ವಿಷ್ಟುವಿನ ಪೂಜೆಯಲ್ಲಿ ಈ ತುಳಸಿ ಬಳಸುವುದು ಸೂಕ್ತವಾಗಿದೆ.  

ಶ್ವೇತ ತುಳಸಿ: ಶ್ವೇತ ತುಳಸಿಯನ್ನು ವಿಷ್ಣು ತುಳಸಿ ಎಂದೂ ಕರೆಯುತ್ತಾರೆ. ಈ ತುಳಸಿಯಲ್ಲಿ ಬಿಳಿ ಬಣ್ಣದ ಹೂವುಗಳನ್ನು ಕೂಡ ನೋಡಬಹುದು. ಇದು ಬಯಲು ಪ್ರದೇಶ ಹಾಗೂ ಕಾಡುಗಳಲ್ಲಿ ಕಂಡುಬರುತ್ತದೆ. ಅಷ್ಟಾಗಿ ಪೂಜಿಸುವುದಿಲ್ಲ.

ತುಳಸಿಯ ಲಾಭಗಳು 

• ಮನೆಯನ್ನು ದುಷ್ಟಶಕ್ತಿಯಿಂದ ರಕ್ಷಿಸುತ್ತದೆ. 

• ಮನೆಗೆ ಶುಭಫಲ ತಂದುಕೊಡುತ್ತದೆ.

• ವಾಸ್ತುದೋಷಗಳು ಪರಿಹಾರವಾಗುತ್ತದೆ. 

• ಲಕ್ಷ್ಮೀಯ ಅನುಗ್ರಹ ಪ್ರಾಪ್ತಿಯಾಗುತ್ತದೆ ಎಂದು ಜ್ಯೋತಿಷದಲ್ಲಿ ಹೇಳಲಾಗಿದೆ.