ವಾಟ್ಸ್‌ಆ್ಯಪ್ ಮೂಲಕವೇ ಸಿಲಿಂಡರ್ ಬುಕ್ ಮಾಡಿ
Published 16 ಜೂನ್ 2020, 12:00 IST
ಬೆಂಗಳೂರು: ವಾಟ್ಸ್‌ಆ್ಯಪ್ ಮೂಲಕವೇ ಅಡುಗೆ ಅನಿಲದ ಸಿಲಿಂಡರ್ ಬುಕ್ಕಿಂಗ್ ಸೌಲಭ್ಯವನ್ನು ಭಾರತ್ ಪೆಟ್ರೋಲಿಯಂ ಕಾರ್ಪೊರೇಷನ್ ಲಿಮಿಟೆಡ್ (ಬಿಪಿಸಿಎಲ್) ಕಲ್ಪಿಸಿದೆ.
ಬಿಪಿಸಿಎಲ್‌ನ ಸ್ಮಾರ್ಟ್‌ಲೈನ್ ಸಂಖ್ಯೆಗೆ (1800224344) ಕಂಪನಿಯಲ್ಲಿ ನೋಂದಾಯಿಸಿಕೊಂಡಿರುವ ಸಂಖ್ಯೆಯಿಂದ ‘Hi’ ಎಂಬ ಸಂದೇಶ ಕಳುಹಿಸಿದರೆ ಸಿಲಿಂಡರ್ ಬುಕ್ ಆಗಲಿದೆ. ಬುಕ್ಕಿಂಗ್ ಖಚಿತಪಡಿಸುವ ಸಂದೇಶ ಮತ್ತು ಆನ್‌ಲೈನ್‌ನಲ್ಲೇ ಸಿಲಿಂಡರ್ ಮೊತ್ತ ಪಾವತಿಸಲು ಲಿಂಕ್ ಬರಲಿದೆ.
‘ಆ ಲಿಂಕ್ ಬಳಸಿಕೊಂಡು ಡೆಬಿಟ್ ಕಾರ್ಡ್, ಕ್ರೆಡಿಟ್ ಕಾರ್ಡ್, ಯುಪಿಐ ಮತ್ತು ಇನ್ನಿತರ ಡಿಜಿಟಲ್ ಹಣ ವರ್ಗಾವಣೆ ಆ್ಯಪ್‌ಗಳ ಮೂಲಕ ಪಾವತಿ ಮಾಡಬಹುದು. ನಗದು ವಹಿವಾಟು ತಪ್ಪಿಸಲು ಈ ಕ್ರಮ ಕೈಗೊಳ್ಳಲಾಗಿದೆ’ ಎಂದು ಬಿಪಿಸಿಎಲ್ ಪ್ರಕಟಣೆ ತಿಳಿಸಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.