ಟ್ರಯಥ್ಲಾನ್‌: ನಿಹಾಲ್‌, ಶ್ರಾವ್ಯಗೆ ಪ್ರಶಸ್ತಿ

ಮಂಗಳೂರು: ನಿಹಾಲ್ ಪೂಜಾರಿ ಮತ್ತು ಶ್ರಾವ್ಯ ಭಟ್ ಯುವ ಸಬಲೀಕರಣ ಮತ್ತು ಕ್ರೀಡಾ ಇಲಾಖೆಯ ಸಹಯೋಗದಲ್ಲಿ ನಗರದ ಜೈ ಹಿಂದ್ ಈಜು ಕ್ಲಬ್ ಭಾನುವಾರ ಆಯೋಜಿಸಿದ್ದ ಟ್ರಯಥ್ಲಾನ್‌ನಲ್ಲಿ ಕ್ರಮವಾಗಿ ಬಾಲಕರ ಮತ್ತು ಬಾಲಕಿಯರ ವಿಭಾಗದ ಪ್ರಶಸ್ತಿ ಗೆದ್ದುಕೊಂಡರು. 

ಮಂಗಳ ಈಜುಕೊಳ ಹಾಗೂ ಆಸುಪಾಸಿನಲ್ಲಿ ನಡೆದ ಈಜು, ಸೈಕ್ಲಿಂಗ್ ಮತ್ತು ಓಟದಲ್ಲಿ ಇವರಿಬ್ಬರು ಪಾರಮ್ಯ ಮೆರೆದರು. 200 ಮೀಟರ್ಸ್ ಈಜು, 6 ಕಿಲೊಮೀಟರ್ ಸೈಕ್ಲಿಂಗ್ ಮತ್ತು 1.2 ಕಿಮೀ ಓಟ ನಿಗದಿ ಮಾಡಲಾಗಿತ್ತು. ಬಾಲಕರ ವಿಭಾಗದಲ್ಲಿ ದಿವಿಜ್ ಕೊಟ್ಟಾರಿ ಮತ್ತು ನೀಲ್ ಎಂ.ಜಿ ಕ್ರಮವಾಗಿ ದ್ವಿತೀಯ ಮತ್ತು ತೃತೀಯ ಸ್ಥಾನ ಗಳಿಸಿದರು.

ತೊಕ್ಕೊಟ್ಟು ಬಬ್ಬುಕಟ್ಟೆ ನಿವಾಸಿ, ಜಪ್ಪಿನಮೊಗರು ಯೆನೆಪೋಯ ಶಾಲೆಯ ವಿದ್ಯಾರ್ಥಿ ನಿಹಾಲ್ ಮೂರು ವಿಭಾಗವನ್ನು 23 ನಿಮಿಷ 32:33ಸೆಕೆಂಡುಗಳಲ್ಲಿ ಪೂರ್ತಿಗೊಳಿಸಿದರು. ಮಂಗಳ ಈಜು ಕ್ಲಬ್‌ನ ಶ್ರಾವ್ಯ  ಬಾಲಕಿಯರ ವಿಭಾಗದಲ್ಲಿ 36 ನಿಮಿಷ 58:89 ಸೆಕೆಂಡುಗಳಲ್ಲಿ ಮೂರೂ ವಿಭಾಗಗಳನ್ನು ಮುಗಿಸಿ ಗುರಿ ಮುಟ್ಟಿದರು. 

200 ಮೀ ಈಜು, 5 ಕಿಮೀ ಸೈಕ್ಲಿಂಗ್ ಮತ್ತು 800 ಮೀ ಓಟದ ಗುಂಪು ಎರಡರ ಬಾಲಕರ ವಿಭಾಗದಲ್ಲಿ ಶ್ರೀಶ್ ಕಿರಣ್ ಬಿ (19:12:29) ಮೊದಲಿಗರಾದರು. ಶಶಾಂಕ್‌ ಡಿ.ಎಸ್ ಮತ್ತು ನಿಹಾನ್ ವರದರಾಜ್ ಕ್ರಮವಾಗಿ ದ್ವತೀಯ ಮತ್ತು ತೃತೀಯ ಸ್ಥಾನ ಗಳಿಸಿದರು. ಬಾಲಕಿಯರ ವಿಭಾಗದಲ್ಲಿ ಗ್ರೀಷ್ಮಾ ಎನ್‌ ಶೆಟ್ಟಿ (20:06:97), ಹೃತಿಕಾ ವಿಶ್ವನಾಥ್ ಮತ್ತು ಕೃತಿಕಾ ವಿಶ್ವನಾಥ್ ಕ್ರಮವಾಗಿ ಮೊದಲ ಮೂರು ಸ್ಥಾನಗಳನ್ನು ಗೆದ್ದುಕೊಂಡರು. 

100 ಮೀ ಈಜು, 3 ಕಿಮೀ ಸೈಕ್ಲಿಂಗ್ ಮತ್ತು 400 ಮೀ ಓಟದ ಗುಂಪು ಮೂರರ ಬಾಲಕರ ವಿಭಾಗದಲ್ಲಿ ಸನ್ನಿಗ್ಧ್ ಉಲ್ಲಾಳ್‌ (12:38:76), ಆರಿಕ್ ಜೇಕ್ ಡಿಸೋಜ ಮತ್ತು ಶೇಡನ್ ಪ್ರಿನ್ಸನ್ ರೇಗೊ ಕ್ರಮವಾಗಿ ಪ್ರಥಮ, ದ್ವಿತೀಯ ಮತ್ತು ತೃತೀಯ ಸ್ಥಾನ ಗಳಿಸಿದರು. ಬಾಲಕಿಯರ ವಿಭಾಗದಲ್ಲಿ ನಿಶ್ಕಾ ಸೊನೊರಾ ಫರ್ನಾಂಡಿಸ್ (14:38:74) ಪ್ರಶಸ್ತಿ ಗೆದ್ದುಕೊಂಡರು.  

ಡುವಾಥ್ಲಾನ್ ಫಲಿತಾಂಶಗಳು

ಬಾಲಕರು:

ಗುಂಪು–1 (6ಕಿಮೀ ಸೈಕ್ಲಿಂಗ್‌, 1.2 ಕಿಮೀ ಓಟ): ಜೊಹಾನ್ ಗ್ಲಾಡ್ಸನ್‌–1 (22:16:31), ಜೇಡನ್ ಗ್ಯಾಬ್ರಿಯೆಲ್ ಪಾಯಸ್–2, ಸಂಗಮೇಶ–3;

ಗುಂಪು–2 (5ಕಿಮೀ ಸೈಕ್ಲಿಂಗ್‌, 800 ಮೀ ಓಟ): ವೇದಾಂತ್ ಎಸ್‌–1 (19:51:87), ಆಶ್ಲಿ ಸಯಾನ್‌–2, ಜೇಡ್ರಯಾನ್ ಬೆನೆಡಿಕ್ಟ್‌–3;

ಗುಂಪು–3 (3 ಕಿಮೀ ಸೈಕ್ಲಿಂಗ್‌, 400 ಮೀ ಓಟ): ವೇದಾಂತ್ ಉಪಾಧ್ಯಾಯ–1 (14:30:73), ಅಲನ್ ಪ್ರಿನ್ಸ್ ಸಲ್ಡಾನ–2, ವಿವಾನ್ ಶೆಟ್ಟಿ–3. 

ಬಾಲಕಿಯರು:

ಗುಂಪು–2: ಶ್ರೀನಿಧಿ ಪುತ್ರನ್‌–1 (23:05:02), ಸಾನ್ವಿ ಯಾದವ್‌–2;

ಗುಂಪು–3: ಅದ್ವಿಕಾ–1 (17:46:73).

ಪುರುಷರು: ದಿಲೀಪ್ ಕುಮಾರ್ ಸುಂದರಂ–1 (32:31:92)–1;

ಮಹಿಳೆಯರು: ಸಾನ್ವಿ ಶೆಟ್ಟಿ–1 (28:28:96).

ಮೆಲ್‌ರಾಯ್ ವಿಯಾನಿ ಚಾಂಪಿಯನ್ಸ್‌

200 ಮೀ ಈಜು 6 ಕಿಮೀ ಸೈಕ್ಲಿಂಗ್ ಮತ್ತು 1.2 ಕಿಮೀ ಓಟದ ಪುರುಷರ ಮುಕ್ತ ವಿಭಾಗದ ಪ್ರಶಸ್ತಿ ಮೆಲ್‌ರಾಯ್ ಸನ್‌ವಿಲ್ ಡಿಸೋಜ ಪಾಲಾಯಿತು. ಅವರು 25 ನಿಮಿಷ 01:96 ಸೆಕೆಂಡುಗಳನ್ನು ತೆಗೆದುಕೊಂಡರು. ಮಹಿಳಾ ವಿಭಾಗದ ಪ್ರಶಸ್ತಿ ವಿಯಾನಿ ಪಿಂಟೊ (38:55:05) ಪಾಲಾಯಿತು. ಸಮಿತ್ ಇನ್ಫೆಂಟ್ ಕ್ಷೇವಿಯರ್ ಮತ್ತು ಏಟನ್ ಮಸ್ಕರೇನ್ಹಸ್ ಪುರುಷರ ವಿಭಾಗದಲ್ಲಿ ಕ್ರಮವಾಗಿ ದ್ವಿತೀಯ ಮತ್ತು ತೃತೀಯ ಸ್ಥಾನ ಗಳಿಸಿದರು. ವಿಸ್ಮಯ ಶೆಟ್ಟಿ ಮಹಿಳೆಯರ ವಿಭಾಗದಲ್ಲಿ ದ್ವಿತೀಯ ಸ್ಥಾನ ಗಳಿಸಿದರು.