ನ್ಯಾಮತಿ: ಶಾಸಕ ಎಂ.ಪಿ. ರೇಣುಕಾಚಾರ್ಯ ದಂಪತಿ ಮೇಲೆ ಪುಷ್ಪವೃಷ್ಟಿ

ನ್ಯಾಮತಿ: ಶಾಸಕ ಎಂ.ಪಿ. ರೇಣುಕಾಚಾರ್ಯ ಮತ್ತು ಅವರ ಪತ್ನಿ ಸುಮಾ ಅವರನ್ನು ಅವಳಿ ತಾಲ್ಲೂಕಿನ ನೌಕರರು ಮತ್ತು ಅಭಿಮಾನಿಗಳು ಹೃದಯತುಂಬಿ ಸನ್ಮಾನಿಸಿದರು.

ಕೊರೊನಾ ವಾರಿಯರ್‌ಗಳಿಗೆ ಸನ್ಮಾನ ಕಾರ್ಯಕ್ರಮದ ನಿಮಿತ್ತ ಓಡಾಡುತ್ತಿದ್ದ ರೇಣುಕಾಚಾರ್ಯ ಮತ್ತು ಅವರ ಪತ್ನಿಯನ್ನು ನೌಕರರು, ಅಭಿಮಾನಿಗಳು ವೇದಿಕೆಗೆ ಕರೆತಂದು ಸನ್ಮಾನಿಸಿ, ಪುಷ್ಪ ಎರಚಿ ಘೋಷಣೆ ಕೂಗಿದರು.

ಶಾಸಕ ರೇಣುಕಾಚಾರ್ಯ ಮಾತನಾಡಿ, ‘ಅವಳಿ ತಾಲ್ಲೂಕಿನ ಜನರ ಸೇವಕ ನಾನು. ಅವಳಿ ತಾಲ್ಲೂಕು ರಾಜ್ಯದಲ್ಲಿಯೇ ಮಾದರಿಯಾಗಬೇಕು ಎಂಬ ಕನಸು ಕಂಡಿರುವೆ. ನಿಮ್ಮ ಆಶೀರ್ವಾದ ಸದಾ ನನಗೆ ಇರಲಿ’ ಎಂದು ಭಾವುಕರಾದರು.