Mysuru Dasara 2024: ಸೆ. 26ರಿಂದ ದಸರಾ ಗಜಪಡೆಗೆ ಕುಶಾಲತೋ‍ಪು ಅಭ್ಯಾಸ

ಮೈಸೂರು: ದಸರಾ ಜಂಬೂಸವಾರಿಯಲ್ಲಿ ಪಾಲ್ಗೊಳ್ಳುವ ಆನೆಗಳು ಮತ್ತು ಕುದುರೆಗಳಿಗೆ ‘ಕುಶಾಲತೋಪು ಸಿಡಿಸಿ, ಅದರ ಶಬ್ದಕ್ಕೆ ಬೆದರದಂತೆ ಮಾಡುವ ಪೂರ್ವಾಭ್ಯಾಸ’ವನ್ನು ಸೆ.26, 29 ಹಾಗೂ ಅ.1ರಂದು ಬೆಳಿಗ್ಗೆ 11ಕ್ಕೆ ನಗರದ ವಸ್ತುಪ್ರದರ್ಶನ ಪ್ರಾಧಿಕಾರದ ಆವರಣದ ವಾಹನಗಳ ನಿಲುಗಡೆ ಸ್ಥಳದಲ್ಲಿ ಹಮ್ಮಿಕೊಳ್ಳಲಾಗಿದೆ.

‘ಪೊಲೀಸ್ ಇಲಾಖೆಯ ಸಹಯೋಗದಲ್ಲಿ ಈ ಅಭ್ಯಾಸ ನಡೆಸಲಾಗುವುದು’ ಎಂದು ಅರಣ್ಯ ಇಲಾಖೆಯ ವನ್ಯಜೀವಿ ವಿಭಾಗದ ಡಿಸಿಎಫ್‌ ಐ.ಬಿ. ಪ್ರಭುಗೌಡ ತಿಳಿಸಿದ್ದಾರೆ.

‘ಕುಶಾಲತೋಪು ಪೂರ್ವಭ್ಯಾಸಕ್ಕೆ ಬರುವ ಆನೆಗಳನ್ನು ಗುರುವಾರ (ಸೆ.26) ಬೆಳಿಗ್ಗೆ 10.30ಕ್ಕೆ ಕರ್ನಾಟಕ ವಸ್ತುಪ್ರದರ್ಶನ ಪ್ರಾಧಿಕಾರದಿಂದ ಸ್ವಾಗತಿಸಲಾಗುವುದು’ ಎಂದು ಪ್ರಾಧಿಕಾರದ ಸಿಇಒ ರುದ್ರೇಶ್‌ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.