ಮೈಸೂರು: ನಗರದ ವಿವಿಧಡೆ ಶಿವರಾಜಕುಮಾರ್ ಭೇಟಿ

ಮೈಸೂರು: ನಟ ಶಿವರಾಜಕುಮಾರ್ ಅವರು ಗುರುವಾರ ನಗರದಲ್ಲಿ ಹಲವೆಡೆ ಸಂಚರಿಸಿ, ಅಭಿಮಾನಿಗಳೊಂದಿಗೆ ಬೆರೆತರು.

ಇಲ್ಲಿನ ಶಕ್ತಿಧಾಮ, ಗಾಯತ್ರಿ ಸಿನಿಮಾಮಂದಿರ, ಪಡುವಾರಹಳ್ಳಿಗೆ ಭೇಟಿ ನೀಡಿದರು.

ಗಾಯತ್ರಿ ಸಿನಿಮಾಮಂದಿರದಲ್ಲಿ ನೂರಾರು ಮಂದಿ ಅಭಿಮಾನಿಗಳು ಅವರನ್ನು ಸುತ್ತುವರೆದು ಸೆಲ್ಪೀ ತೆಗೆದುಕೊಂಡು ಖುಷಿಪಟ್ಟರು. ಗೇಟಿನ ಮೇಲೆ ಹತ್ತಿದ ಶಿವರಾಜಕುಮಾರ್ ರಸ್ತೆಯಲ್ಲಿ ಸೇರಿದ್ದ ನೂರಾರು ಮಂದಿಯತ್ತ ಕೈಬೀಸಿದರು. ನಂತರ ವಿವಿಧ ಚಿತ್ರಮಂದಿರಗಳಿಗೆ ಭೇಟಿ ನೀಡಿದರು.

ಇಲ್ಲಿನ ಪಡುವಾರಹಳ್ಳಿಯ ಪುನೀತ್‌ರಾಜಕುಮಾರ್ ರಸ್ತೆಯ 4ನೇ ಮೇನ್‌ನಲ್ಲಿ ಪುನೀತ್‌ ಅವರ ಪ್ರತಿಮೆಯನ್ನು ಉದ್ಘಾಟಿಸಿ, ಪುಷ್ಪನಮನ ಸಲ್ಲಿಸಿದರು.