ಕನಕಪುರ: ಇಂದಿನಿಂದ ಕೃಷಿ ಮೇಳ; 150ಕ್ಕೂ ಹೆಚ್ಚು ಸ್ಟಾಲ್

ಕನಕಪುರ: ಇಲ್ಲಿನ ಆರ್‌ಇಎಸ್ ಆವರಣದಲ್ಲಿ ಶನಿವಾರ ಮತ್ತು ಭಾನುವಾರ ನಡೆಯುತ್ತಿರುವ ಜಿಲ್ಲಾ ಮಟ್ಟದ ಕೃಷಿ ಮೇಳಕ್ಕೆ ಸಿದ್ಧತೆ ನಡೆಸಿದ್ದು ರೈತರಿಗೆ ಮಾಹಿತಿ ನೀಡುವ 150ಕ್ಕೂ ಹೆಚ್ಚು ಸ್ಟಾಲ್ ನಿರ್ಮಿಸಲಾಗಿದೆ.

ರೂರಲ್ ಎಜುಕೇಷನ್ ಸೊಸೈಟಿ ಮತ್ತು ಜಿಕೆವಿಕೆ ಸಹಯೋಗದಲ್ಲಿ ನಡೆಯುತ್ತಿರುವ ಕೃಷಿ ಮೇಳಕ್ಕೆ ಕೃಷಿ ಸಂಬಂಧಿತ ಎಲ್ಲ ಇಲಾಖೆಗಳು ಕೈಜೋಡಿಸಿವೆ.

ಕೃಷಿ ಮೇಳ ಅಂಗವಾಗಿ ಆರ್‌ಇಎಸ್ ದೊಡ್ಡ ಮೈದಾನವನ್ನು ಪೂರ್ವ ನಿಯೋಜನೆಯಂತೆ ಸಿದ್ಧಗೊಳಿಸಿ ಒಂದೊಂದು ವಿಭಾಗಕ್ಕೂ ಒಂದೊಂದು ಕಡೆ ಸ್ಥಳಾವಕಾಶ ಮಾಡಿಕೊಡಲಾಗಿದೆ.

ಮೇಳಕ್ಕೆ ಬರುವ ಅತಿಥಿಗಳು, ಮೇಳ ವೀಕ್ಷಣೆಗೆ ಬರುವ ರೈತರಿಗೆ ಮಾಹಿತಿ ತಿಳಿಸಲು ಬರುವ ಅಧಿಕಾರಿಗಳು, ವಿಜ್ಞಾನಿಗಳು, ತಂತ್ರಜ್ಞರಿಗೆ ಪ್ರತ್ಯೇಕವಾದ ಸ್ಥಳಾವಕಾಶ ಮಾಡಿಕೊಡಲಾಗಿದೆ.

ವಾಹನ ನಿಲುಗಡೆಗೂ ವ್ಯವಸ್ಥಿತ ಜಾಗ ಕಲ್ಪಿಸಲಾಗಿದೆ. ಮೇಳದಲ್ಲಿ ಯಾವುದೇ ಅಹಿತಕರ ಘಟನೆ ನಡೆಯದಂತೆ ಮುಂಜಾಗ್ರತ ಕ್ರಮ ವಹಿಸಲಾಗಿದೆ.

ಮೇಳಕ್ಕೆ ಬರುವ ಜನರಿಗೆ ಊಟ, ಕುಡಿಯುವ ನೀರು, ಶೌಚಾಲಯದ ವ್ಯವಸ್ಥೆ ಹಾಗೂ ವೈದ್ಯರ ತಂಡದೊಂದಿಗೆ ಆರೋಗ್ಯದ ಕಾಳಜಿ ವಹಿಸಲಾಗಿದೆ.

ಯುವ ಕೃಷಿಕರನ್ನು ಕೃಷಿಯತ್ತ ಆಕರ್ಷಿಸುವ ಉದ್ದೇಶದಿಂದ ಸಂಸ್ಥೆ ಅಧ್ಯಕ್ಷ ಎಚ್.ಕೆ.ಶ್ರೀಕಂಠ ಅವರು, ಕೃಷಿ ಮೇಳವನ್ನು ಪ್ರಪ್ರಥಮ ಬಾರಿಗೆ  ತಾಲ್ಲೂಕಿನಲ್ಲಿ ನಡೆಸುತ್ತಿದ್ದಾರೆ. ಕಳೆದೆರಡು ದಿನದಿಂದಲೂ ಮೇಳದ ಸಿದ್ಧತೆಯ ನೇತೃತ್ವ ವಹಿಸಿದ್ದಾರೆ ಎಂದರು.