ಗೋಕರ್ಣ: ಗಣೇಶ ಪೆಂಡಾಲ್‌ನಲ್ಲಿ ಗಮನ ಸೆಳೆದ ಚಂದ್ರಯಾನ-3 ರ ರೂಪ‍ಕ

ಗೋಕರ್ಣ: ಇಲ್ಲಿಯ ರಥಬೀದಿಯಲ್ಲಿ ಯಂಗ್ ಸ್ಟಾರ್‌ ಕ್ಲಬ್ ಸ್ಥಾಪಿಸಿದ ಗಣಪತಿ ಸನ್ನಿಧಿಯಲ್ಲಿ ಸ್ಥಳೀಯ ಕಲಾವಿದರು ಮಾಡಿದ ಚಂದ್ರಯಾನ–3 ರೂಪಕ ಎಲ್ಲರ ಗಮನ ಸೆಳೆಯಿತು. 

ಚಂದ್ರನ ಮೇಲೆ ವಿಕ್ರಮ್ ಲೆಂಡರ್ ಇಳಿಯುವ ದೃಶ್ಯ, ಆಕಾಶಕಾಯಗಳು, ಉಪಗ್ರಹ ಉಡಾವಣಾ ರಾಕೆಟ್ ಎಲ್ಲರ ಮೆಚ್ಚುಗೆಗೆ ಪಾತ್ರವಾಯಿತು.

ಗಣಪತಿ ಅಡಿ, ಗೋಪಾಲ ಜಂಬೆ, ಸುಪ್ರಸನ್ನ ಅಂಬೇಕರ, ಸುಬ್ರಾಯ ನಿರ್ವಾಣೇಶ್ವರ ಇವರ ಮಾರ್ಗದರ್ಶನದಲ್ಲಿ, ರಾಜಶೇಖರ ಗೌಡ ಸಂಗಡಿಗರು ಈ ರೂಪಕವನ್ನು ನಿರ್ಮಿಸಿದ್ದಾರೆ.