ಬ್ಯೂಟಿಫುಲ್ ಬಾಯ್ ಜಾಯ್ ಫೋಟೊ ಪೋಸ್ಟ್ ಮಾಡಿದ ವರುಣ್ ಧವನ್
ಬೆಂಗಳೂರು: ಬಾಲಿವುಡ್ ಮಂದಿಯ ಶ್ವಾನಪ್ರೇಮ ಹಲವು ಬಾರಿ ಸಾಮಾಜಿಕ ತಾಣಗಳಲ್ಲಿ ಪ್ರಕಟವಾಗುತ್ತಲೇ ಇರುತ್ತದೆ.
ನಟ ವರುಣ್ ಧವನ್ ಇತ್ತೀಚೆಗೆ ಮನೆಗೆ ಪುಟ್ಟ ಬೀಗಲ್ ನಾಯಿಮರಿಯನ್ನು ತಂದಿದ್ದಾರೆ. ಆದರೆ ನಾಯಿಮರಿಗೆ ಏನು ಹೆಸರಿಡುವುದು ಎನ್ನುವ ಕುರಿತು ಅವರಿಗೆ ಗೊಂದಲ ಉಂಟಾಗಿತ್ತು.
ನಾಯಿಮರಿಗೆ ಸೂಕ್ತ ಹೆಸರನ್ನು ಸೂಚಿಸಿ, ಅವನಿಗಿನ್ನೂ ನಾಮಕರಣ ಆಗಿಲ್ಲ ಎಂದು ವರುಣ್ ಧವನ್ ಅಭಿಮಾನಿಗಳನ್ನು ಕೋರಿಕೊಂಡಿದ್ದರು.
ವರುಣ್ ಪೋಸ್ಟ್‌ಗೆ ಸಾವಿರಾರು ಮಂದಿ ಪ್ರತಿಕ್ರಿಯಿಸಿ, ವಿವಿಧ ಹೆಸರುಗಳನ್ನು ಬೀಗಲ್‌ಗೆ ಸೂಚಿಸಿದ್ದರು. ಅದರಲ್ಲಿ ವರುಣ್ ಜಾಯ್ ಎನ್ನುವ ಹೆಸರನ್ನು ಬೀಗಲ್ ನಾಯಿಮರಿಗೆ ಆಯ್ಕೆ ಮಾಡಿಕೊಂಡಿದ್ದಾರೆ.
ಮನೆಯ ಹೊಸ ಸದಸ್ಯನ ಕುರಿತು ವರುಣ್ ಇನ್‌ಸ್ಟಾಗ್ರಾಂನಲ್ಲಿ ಪೋಸ್ಟ್ ಮಾಡಿದ್ದು, ಮೈ ಬ್ಯೂಟಿಫುಲ್ ಬಾಯ್ ಜಾಯ್ ಎಂದು ಅಡಿಬರಹ ನೀಡಿ, ನಾಯಿಮರಿಯನ್ನು ಎತ್ತಿಕೊಂಡಿರುವ ಫೋಟೊ ಪೋಸ್ಟ್ ಮಾಡಿದ್ದಾರೆ.
ಈ ಪೋಸ್ಟ್‌ಗೆ ಪ್ರತಿಕ್ರಿಯಿಸಿರುವ ನಟಿ ಕೃತಿ ಸನೋನ್, ನನ್ನ ಫೋಬಿಯನ್ನು ಕೂಡ ಕರೆತಂದು ಫ್ರೆಂಡ್ಸ್ ರಿಯೂನಿಯನ್ ಮಾಡೋಣ ಎಂದು ಕಮೆಂಟ್ ಮಾಡಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.