ಆಸ್ಕರ್ 2023: ಸೆಲೆಬ್ರಿಟಿ ಪ್ರತಿನಿಧಿಯಾಗಿ ದೀಪಿಕಾ ಪಡುಕೋಣೆ ಭಾಗಿ
ಮುಂಬೈ: 2023ರ ಆಸ್ಕರ್ ಕಾರ್ಯಕ್ರಮದಲ್ಲಿ ಸೆಲೆಬ್ರಿಟಿ ಪ್ರತಿನಿಧಿಯಾಗಿ ಭಾಗವಹಿಸಲು ಬಾಲಿವುಡ್ ನಟಿ ದೀಪಿಕಾ ಪಡುಕೋಣೆ ಅಮೆರಿಕಕ್ಕೆ ತೆರಲಿದ್ದಾರೆ.
ದೀಪಿಕಾ ವಿಮಾನ ನಿಲ್ದಾಣದಲ್ಲಿ ಆಕೆಯ ಪತಿ ಮತ್ತು ನಟ ರಣವೀರ್ ಸಿಂಗ್ ಅವರೊಂದಿಗೆ ಕಾಣಿಸಿಕೊಂಡಿದ್ದಾರೆ.
ವಿಮಾನ ನಿಲ್ದಾಣದಲ್ಲಿ ಕಾಣಿಸಿಕೊಂಡ ದೀಪಿಕಾರ ವಿಡಿಯೊ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿವೆ. ದೀಪಿಕಾ ಡೆನಿಮ್‌ ಜೊತೆಗೆ ಕಪ್ಪು ಬ್ಲೇಜರ್ ಧರಿಸಿ ತನ್ನ ಕಾರಿನಿಂದ ಇಳಿಯುತ್ತಿದ್ದು, ಆಕೆಯನ್ನು ಡ್ರಾಪ್ ಮಾಡುವಾಗ ಕಾರಿನೊಳಗೆ ರಣವೀರ್ ಕಾಣಿಸಿಕೊಂಡಿದ್ದಾರೆ.
ಮಾರ್ಚ್ 12ರಂದು ಲಾಸ್ ಏಂಜಲೀಸ್‌ನಲ್ಲಿ ನಡೆಯಲಿರುವ ಆಸ್ಕರ್ ಸಮಾರಂಭದಲ್ಲಿ ಎಮಿಲಿ ಬ್ಲಂಟ್, ಸ್ಯಾಮ್ಯುಯೆಲ್ ಜಾಕ್ಸನ್ ಮತ್ತು ಡ್ವೇನ್ ಜಾನ್ಸನ್ ಅವರಂತಹ ಜಾಗತಿಕ ತಾರೆಗಳೊಂದಿಗೆ ನಟಿ ಕಾಣಿಸಿಕೊಳ್ಳಲಿದ್ದಾರೆ.
ದೀಪಿಕಾ, 2023ರ 95ನೇ ಆಸ್ಕರ್ ಪಟ್ಟಿಯಲ್ಲಿರುವ ತಮ್ಮ ಹೆಸರನ್ನು ಇನ್ಸ್ಟಾಗ್ರಾಮ್ ಮೂಲಕ ಪ್ರಕಟಿಸಿದ್ದಾರೆ. ಆಸ್ಕರ್‌ನ ಭಾಗವಹಿಸುವ ಸೆಲೆಬ್ರಿಟಿ ಪ್ರತಿನಿಧಿ ಪಟ್ಟಿಯನ್ನು ಹಂಚಿಕೊಂಡಿದ್ದಾರೆ. ಪಟ್ಟಿಯಲ್ಲಿ ಸ್ಯಾಮ್ಯುಯೆಲ್ ಜಾಕ್ಸನ್, ಜೊ ಸಲ್ಡಾನಾ, ಡ್ವೇನ್ ಜಾನ್ಸನ್ ಮತ್ತು ರಿಜ್ ಅಹ್ಮದ್ ತಾರೆಗಳೊಂದಿಗೆ ಅವರ ಹೆಸರು ಸೇರಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.