Interview | ಒಂದೇ ರೀತಿ ಪಾತ್ರ ಮಾಡುವುದು ಇಷ್ಟವಿಲ್ಲ: ವಿನಯ್‌ ರಾಜ್‌ಕುಮಾರ್‌

ನಿರ್ದೇಶಕನ ಬದುಕಿನ ಕಥೆ ಹೇಳುವ ಚಿತ್ರ. ಸಾಕಷ್ಟು ಜನ ನಿರ್ದೇಶಕರಾಗಬೇಕು ಎಂದುಕೊಂಡು ಚಿತ್ರೋದ್ಯಮಕ್ಕೆ ಬರುತ್ತಾರೆ. ಆದರೆ ಇಲ್ಲಿನ ಕಥೆ ಬೇರೆಯೇ ಇರುತ್ತದೆ. ಚಿತ್ರರಂಗದಲ್ಲಿ ನೆಲೆ ಕಂಡುಕೊಳ್ಳಲು ಯತ್ನಿಸುತ್ತಾರೆ. ಸಾಕಷ್ಟು ಸವಾಲುಗಳನ್ನು ಎದುರಿಸುತ್ತಾರೆ. ಏನೇನೋ ಸಂಘರ್ಷಗಳು ನಡೆಯುತ್ತವೆ. ವೃತ್ತಿಯಲ್ಲಿ ಮಾತ್ರವಲ್ಲದೆ ಬದುಕಿನ ಸಂಘರ್ಷದ ಕಥೆಯೂ ತೆರೆದುಕೊಳ್ಳುತ್ತದೆ.

ಹೌದು, ಬದುಕಿನ ಹೋರಾಟದ ಜೊತೆಗೆ ಒಂದು ಸುಮಧುರ ಪ್ರೇಮಕಥೆಯೂ ನಡೆಯುತ್ತದೆ. ಸಂಘರ್ಷ, ಪ್ರೀತಿ, ನಗು ಎಲ್ಲವನ್ನೂ ಹೊಂದಿರುವ ಕೌಟಂಬಿಕ ಮನರಂಜನೆ ಚಿತ್ರವಿದು. 

20 ದಿನದ ಚಿತ್ರೀಕರಣ ಬಾಕಿ ಇದೆ. ಈಗ ಅದರ ಚಿತ್ರೀಕರಣದ ಸಿದ್ಧತೆ ನಡೆಯುತ್ತಿದೆ. ಏಪ್ರಿಲ್‌ನಲ್ಲಿ ಚಿತ್ರೀಕರಣ ಪೂರ್ಣಗೊಂಡು ಈ ವರ್ಷ ತೆರೆಗೆ ಬರಲಿದೆ.

ಪಾತ್ರ ಕುರಿತು ಈಗಲೇ ಹೆಚ್ಚು ಹೇಳುವುದು ಕಷ್ಟ. ಒಂದು ಹಂತದ ಚಿತ್ರೀಕರಣ ಮುಗಿದಿದೆ. ಈಗ ನಾನು ಇಲ್ಲದ ಭಾಗದ ಚಿತ್ರೀಕರಣ ನಡೆಯುತ್ತಿದೆ. ಇಂದೊಂದು ‘ರಾ’ ಮಾದರಿಯ ಸಿನಿಮಾ. ಒಂದು ನಗರ ಸಾವಿರಾರು ಜನರನ್ನು ಕೈಬೀಸಿ ಕರೆಯುತ್ತದೆ. ಹಾಗೆ ಮಹಾನಗರಕ್ಕೆ ಬದುಕು ಹುಡುಕಿಕೊಂಡು ಬೇರೆ ಊರಿನಿಂದ ಬಂದ ಇಬ್ಬರ ಕಥೆಯಿದು. ಬೇರೆ ಊರುಗಳಿಂದ ಕರ್ನಾಟಕಕ್ಕೆ ಬರುತ್ತಾರೆ. ಅವರೆಲ್ಲ ಎಲ್ಲಿಗೆ ಹೋಗುತ್ತಾರೆ, ಅವರ ಬದುಕಿನ ಪಯಣವೇನು, ಎಂಬಿತ್ಯಾದಿ ಸಂಗತಿಗಳಿವೆ.

ಜನ ಇವತ್ತು ತುಂಬ ಅಥೆಂಟಿಕ್‌ ಆದ ಸಿನಿಮಾಗಳನ್ನು ಬಯಸುತ್ತಾರೆ. ಅಂಥ ಕಥೆಯೊಂದಿಗೆ ಒಳ್ಳೆಯ ಸಿನಿಮಾ ಮಾಡಿದರೆ ಜನ ಒಪ್ಪಿಕೊಳ್ಳುತ್ತಾರೆ. ಮಾಮೂಲಿ ಆ್ಯಕ್ಷನ್‌ ಸಿನಿಮಾಗಳು ಬೇಡವಾಗಿವೆ. ಜೊತೆಗೆ ಚಿತ್ರದ ಬಿಡುಗಡೆ, ಪ್ರಚಾರ ಇನ್ನಿತರ ಅಂಶಗಳು ಚಿತ್ರದ ಯಶಸ್ಸಿನ ಮೇಲೆ ಪರಿಣಾಮ ಬೀರುತ್ತವೆ.

ನನಗೆ ಒಂದೇ ರೀತಿಯ ಪಾತ್ರಗಳನ್ನು ಮಾಡುವುದು ಏಕತಾನತೆ ಅನ್ನಿಸುತ್ತದೆ. ಒಂದು ಭಿನ್ನ ಪಾತ್ರದ ಮೂಲಕ ನಾವು ಬದುಕಿನಲ್ಲಿಯೂ ಒಂದಷ್ಟು ಕಲಿಯುತ್ತೇವೆ. ಈ ರೀತಿ ಸಿನಿಮಾಗಳನ್ನೇ ಮಾಡುವುದರಿಂದ ನನಗೆ ಬರುವ ಕಥೆಗಳು ಹಾಗೇ ಇರುತ್ತವೆ. ಭಿನ್ನ ರೀತಿಯ ಕಥೆಗಳನ್ನು ಹೊಂದಿರುವವರು ಮಾತ್ರ ಬಂದು ಕಥೆ ಹೇಳುತ್ತಾರೆ. ಈ ಕಾರಣಕ್ಕೂ ವಿಭಿನ್ನ ಸಿನಿಮಾಗಳು ಸಿಗುತ್ತಿವೆ. ನಟನಾಗಿ ಪ್ರಯೋಗಗಳನ್ನು ಮಾಡಬೇಕು. ಬೇರೆ ಬೇರೆ ರೀತಿಯ ಪಾತ್ರಗಳನ್ನು ಮಾಡಬೇಕು. ಎಲ್ಲ ರೀತಿಯಿಂದಲೂ ಇದೊಂದು ವಿಶಿಷ್ಟ ಅನುಭವ.

ಒಂದು ಕಥೆ ಚರ್ಚೆ ಹಂತದಲ್ಲಿದೆ. ಅದನ್ನು ಹೊರತುಪಡಿಸಿ ಬೇರೆ ಸಿನಿಮಾಗಳನ್ನು ಒಪ್ಪಿಕೊಂಡಿಲ್ಲ. ಇರುವ ಸಿನಿಮಾಗಳನ್ನು ಪೂರ್ಣಗೊಳಿಸುವುದರತ್ತ ಗಮನಹರಿಸಿರುವೆ.