ಮೊದಲ ಸಿನಿಮಾದ ನೆನಪು: 4 ದಶಕ ಹಿಂದಿನ ಫೋಟೊ ಹಂಚಿಕೊಂಡ ನಟಿ ಜಯಪ್ರದಾ
ಜಯಪ್ರದಾ... ಇದು ಭಾರತೀಯ ಸಿನಿಮಾ ರಂಗದ ಜನಪ್ರಿಯ ಹೆಸರು.
ತೆಲುಗು ಭಾಷೆಯ 'ಭೂಮಿ ಕೋಸಂ' ಸಿನಿಮಾ ಮೂಲಕ 1974ರಲ್ಲಿ ಬೆಳ್ಳಿತೆರೆಗೆ ಪದಾರ್ಪಣೆ ಮಾಡಿದ್ದ ಈ ನಟಿ,ಮೇರು ನಟ ಡಾ.ರಾಜ್‌ ಕುಮಾರ್‌, ಅಮಿತಾಭ್‌ ಬಚ್ಚನ್, ರಿಷಿ ಕಪೂರ್‌, ರಜಿನಿಕಾಂತ್‌, ಕಮಲ್‌ ಹಾಸನ್‌ ಅವರಂತಹ ದಿಗ್ಗಜರೊಂದಿಗೆ ನಟಿಸಿ ಸೈ ಎನಿಸಿಕೊಂಡವರು.ಎಂಟು ಭಾಷೆಗಳ ಸುಮಾರು 300ಕ್ಕೂ ಹೆಚ್ಚು ಸಿನಿಮಾಗಳಲ್ಲಿ ನಟಿಸಿದ್ದಾರೆ.
ಇದೀಗ ಇವರು, ತಮ್ಮ ಮೊದಲ ಸಿನಿಮಾದ ಚಿತ್ರೀಕರಣ ಸಂದರ್ಭದ ಚಿತ್ರವೊಂದನ್ನು ಇನ್‌ಸ್ಟಾಗ್ರಾಮ್‌ನಲ್ಲಿ ಹಂಚಿಕೊಳ್ಳುವ ಮೂಲಕ ನೆನಪಿನಂಗಳಕ್ಕೆ ಜಾರಿದ್ದಾರೆ.
ಕೆ.ಬಿ.ತಿಲಕ್‌ ನಿರ್ದೇಶನದ 'ಭೂಮಿ ಕೋಸಂ' ಸಿನಿಮಾದ ಚಿತ್ರೀಕರಣದ ವೇಳೆಸೆರೆಹಿಡಿಯಲಾಗಿರುವ ಈ ಚಿತ್ರದಲ್ಲಿ, ಜಯಪ್ರದಾ ಅವರು ಜಮೀನಿನಲ್ಲಿ ಕೆಲಸ ಮಾಡುವವರಿಗೆ, ನೀರು ಮತ್ತು ಆಹಾರವನ್ನು ತೆಗೆದುಕೊಂಡು ಬರುತ್ತಿರುವುದು ಸೆರೆಯಾಗಿದೆ.
ಈ ಚಿತ್ರದೊಂದಿಗೆ ಅವರು, 'ನಾನು ನನ್ನ ಸಿನಿಮಾದಲ್ಲಿ ಮೊದಲ ಶಾಟ್‌ ಎದುರಿಸುತ್ತಿರುವುದು' ಎಂದು ಬರೆದುಕೊಂಡಿದ್ದಾರೆ.
ಬುಧವಾರ ಹಂಚಿಕೊಂಡಿರುವ ಈ ಚಿತ್ರವನ್ನು ಸಾವಿರಾರು ಜನರು ಮೆಚ್ಚಿಕೊಂಡಿದ್ದಾರೆ. 'ಹೌದು ಇದು ನಿಮ್ಮ ಮೊದಲ ಸಿನಿಮಾ. ನೀವು ತುಂಬಾ ಸುಂದರವಾಗಿ ಕಾಣುತ್ತಿದ್ದೀರಿ' ಎಂದು ಹಲವರು ಕಾಮೆಂಟ್ ಮಾಡಿದ್ದಾರೆ.
ಇವನ್ನೂ ಓದಿ
*ಹಿಂದಿಯಲ್ಲೇ ಹೆಚ್ಚು ಗಳಿಸಿದ ಕೆಜಿಎಫ್‌–2: ರಾಷ್ಟ್ರಭಾಷೆ ವಿವಾದದ ನಡುವೆ ದಾಖಲೆ
*ದಕ್ಷಿಣದ ಸಿನಿಮಾಗಳನ್ನು ಕಂಡು ಬಾಲಿವುಡ್‌ನವರು ಹೆದರಿದ್ದಾರೆ: ಮನೋಜ್ ಬಾಜಪೇಯಿ
*ದಕ್ಷಿಣ ಭಾರತದ ನಟರ ಬಗ್ಗೆ ಉತ್ತರದವರಿಗೆ ಅಸೂಯೆ, ಭಯ ಇದೆ: ರಾಮ್‌ ಗೋಪಾಲ್‌ ವರ್ಮಾ
*ದೇಶಕ್ಕೆ ಇರುವುದೊಂದೇ ಭಾಷೆ, ಅದು ಮನರಂಜನೆ: ಅಜಯ್‌ಗೆ ಸೋನು ಸೂದ್‌ ತಿರುಗೇಟು
*ಹಿಂದಿ ರಾಷ್ಟ್ರ ಭಾಷೆ ಎಂದ ಅಜಯ್ ದೇವಗನ್ ಹೇಳಿಕೆಗೆ ನಟಿ ರಮ್ಯಾ ಕಿಡಿ
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.