ಬಾಲಿವುಡ್ ಪ್ರವೇಶಿಸಲಿರುವ ಕ್ರಿಕೆಟಿಗ ಶಿಖರ್ ಧವನ್?
Published 17 ಮೇ 2022, 12:37 IST
ಟೀಂ ಇಂಡಿಯಾ ಕ್ರಿಕೆಟರ್ ಶಿಖರ್ ಧವನ್
ಬೆಂಗಳೂರು: ಟೀಂ ಇಂಡಿಯಾ ಕ್ರಿಕೆಟರ್, ‘ಗಬ್ಬರ್‘ ಖ್ಯಾತಿಯ ಶಿಖರ್ ಧವನ್ ಅವರು ಬಾಲಿವುಡ್ ಚಿತ್ರದಲ್ಲಿ ನಟಿಸಲು ಉತ್ಸುಕರಾಗಿದ್ದಾರೆ ಎನ್ನಲಾಗಿದೆ.
ಈ ಬಾರಿಯ ಐಪಿಎಲ್‌ನಲ್ಲಿ ಪಂಜಾಬ್ ಕಿಂಗ್ಸ್ ತಂಡದ ಸದಸ್ಯರಾಗಿರುವ ಧವನ್, ಸಾಮಾಜಿಕ ತಾಣಗಳಲ್ಲಿ ಆಗಾಗ ಬಾಲಿವುಡ್ ಕುರಿತ ಪೋಸ್ಟ್‌ಗಳನ್ನು ಹಂಚಿಕೊಳ್ಳುತ್ತಿರುತ್ತಾರೆ.
ಅಲ್ಲದೆ, ಸಿನಿಮಾದ ಮೀಮ್ಸ್, ಟ್ರೋಲ್ಸ್‌ನಲ್ಲಿಯೂ ಧವನ್ ಕಾಣಿಸಿಕೊಳ್ಳುತ್ತಾರೆ. ಇನ್‌ಸ್ಟಾಗ್ರಾಮ್‌ ರೀಲ್ಸ್‌ನಲ್ಲಿಯೂ ಧವನ್, ಬಾಲಿವುಡ್ ಸಹಿತ ವಿವಿಧ ಚಿತ್ರಗಳ ಪಾತ್ರಗಳನ್ನು ಮಾಡಿ ತೋರಿಸುತ್ತಾರೆ.
ಧವನ್ ಅವರು ಬಾಲಿವುಡ್ ಚಿತ್ರದಲ್ಲಿ ನಟಿಸುತ್ತಿರುವ ಬಗ್ಗೆ ‘ಪಿಂಕ್‌ವಿಲ್ಲಾ‘ ವರದಿ ಮಾಡಿದೆ.
ಚಿತ್ರರಂಗದ ಜತೆಗಿರುವ ಶಿಖರ್ ಧವನ್ ನಂಟು ಕೂಡ ಅವರಿಗೆ ನಟನಾ ಲೋಕದ ಪ್ರಯಾಣಕ್ಕೆ ನೆರವಾಗಲಿದೆ ಎಂಬ ಮಾತು ಬಾಲಿವುಡ್ ಅಂಗಳದಲ್ಲಿ ಕೇಳಿಬಂದಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.