ಕೇರಳ ಸ್ಟೋರಿ 2: ಟಿಕೆಟ್ ಮಾರಾಟ ನೀರಸ, ಕೇರಳದ ಹಲವೆಡೆ ಪ್ರತಿಭಟನೆ

ತಿರುವನಂತಪುರ/ಕೊಚ್ಚಿ/ಕೋಯಿಕ್ಕೋಡ್‌: ‘ದಿ ಕೇರಳ ಸ್ಟೋರಿ 2: ಗೋಸ್‌ ಬಿಯಾಂಡ್‌’ ಚಿತ್ರ ಬಿಡುಗಡೆಗೆ ನ್ಯಾಯಾಲಯ ಅನುಮತಿ ನೀಡಿದ್ದರೂ, ಚಿತ್ರದ ಟಿಕೆಟ್‌ ಮಾರಾಟ ಶನಿವಾರ ನೀರಸವಾಗಿತ್ತು.

‘ಚಿತ್ರದಲ್ಲಿ ಕೇರಳವನ್ನು ಕೆಟ್ಟದಾಗಿ ತೋರಿಸಲಾಗಿದೆ’ ಎಂದು ಆರೋಪಿಸಿ ಡೆಮಾಕ್ರಟಿಕ್ ಯೂತ್‌ ಫೆಡರೇಷನ್ ಆಫ್‌ ಇಂಡಿಯಾದ(ಡಿವೈಎಫ್‌ಐ) ಸದಸ್ಯರು ಚಿತ್ರಮಂದಿರಗಳ ಎದುರು ಪ್ರತಿಭಟನೆ ನಡೆಸಿದರು.

ಪ್ರತಿಭಟನೆಯಿಂದಾಗಿ ಕೊಚ್ಚಿ, ಕೋಯಿಕ್ಕೋಡ್‌ ಮತ್ತು ಕೊಟ್ಟಾಯಂಗಳಲ್ಲಿನ ಹಲವರು ಚಿತ್ರಮಂದಿರಗಳಲ್ಲಿ  ‘ದಿ ಕೇರಳ ಸ್ಟೋರಿ2’ ಚಿತ್ರ ಪ್ರದರ್ಶನ ರದ್ದುಗೊಂಡಿತು.