The Royals Cinema: ಗಮನ ಸೆಳೆಯಲಿದೆಯೇ 'ದ ರಾಯಲ್ಸ್‌?'
ರಾಜಸ್ಥಾನಿ ರಾಜಮನೆತನದ ಕತೆಯ ಎಳೆ ಇರುವ ’ದ ರಾಯಲ್ಸ್‌‘ ಮೇ 9ರಂದು ನೆಟ್‌ಫ್ಲಿಕ್ಸ್‌ನಲ್ಲಿ ತೆರೆ ಕಂಡಿದೆ. ರಾಜಮಹಲ್‌ ಇರುವ ರಾಜಮನೆತನಕ್ಕೂ ಹಣಕಾಸಿನ ಸಮಸ್ಯೆಗಳು ಕಾಡದೇ ಇರುವುದಿಲ್ಲ. ರಾಜಮನೆತನದ ರಾಜಕುವರನಿಗೆ ಸ್ವಾವಲಂಬಿ ಯುವತಿಯೊಂದಿಗೆ ಪ್ರೀತಿಯಾಗುತ್ತದೆ.
ಸಾಕ್ಷಿ ತನ್ವರ್‌ ಮುಖ್ಯ ಪಾತ್ರದಲ್ಲಿರುವ ಈ ವೆಬ್‌ಸಿರೀಸ್‌ನಲ್ಲಿ ಸಿಚುವೇನ್‌ಶಿಪ್‌ ಮತ್ತು ಪಾರಂಪರಿಕ ಬಾಂಧವ್ಯಗಳ ವಿಸ್ತಾರವನ್ನು ವಿಶ್ಲೇಷಿಸಲಾಗಿದೆ. ತನ್ನ ತಂದೆಯ ಉಯಿಲು ಓದಲು ಬರುವ ಮಗನಿಗೆ ಪಿತ್ರಾರ್ಜಿತವಾಗಿ ಕೇವಲ ಮಹಲ್‌ ಅಷ್ಟೇ ಅಲ್ಲ, ಸಾಲಗಳೂ ಸಿಗುತ್ತವೆ.
ಪ್ರಿಯಾಂಕಾ ಘೋಷ್, ನೂಪುರ್ ಅಸ್ಥಾನಾ ನಿರ್ದೇಶನದ ಈ ವೆಬ್‌ ಸಿರೀಸ್‌ ಮೇ ತಿಂಗಳಲ್ಲಿ ಭಾರತೀಯರ ಗಮನ ಸೆಳೆಯಲಿದೆ ಎಂದು ನೆಟ್‌ಫ್ಲಿಕ್ಸ್‌ ಹೇಳುತ್ತಿದೆ. ತೆರೆದೆದೆಯ ಯುವಕ, ಮೂರು ನಾಲ್ಕು ಗುಂಡಿ ಬಿಚ್ಚಿದ ಅಂಗಿ ತೊಟ್ಟ ರಾಜಮನೆತನದ ಕತೆ ವೀಕ್ಷಕರನ್ನು ಹಿಡಿದಿಡಲಿಕ್ಕಿಲ್ಲ ಎಂದು ನೆಟ್ಟಿಗರು ಟೀಕಿಸಿದ್ದಾರೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.