ಹೀಗಿದೆ ವೋಗ್‌ ಮ್ಯಾಗಜಿನ್‌ಗೆ ಅನುಷ್ಕಾ ಶರ್ಮಾ ನೀಡಿದ ಪೋಸ್‌!

ಬಾಲಿವುಡ್‌ನ ಖ್ಯಾತ ನಟಿ ಅನುಷ್ಕಾ ಶರ್ಮಾ ಹಾಗೂ ಕ್ರಿಕೆಟಿಗ ವಿರಾಟ್‌ ಕೊಹ್ಲಿ ಇನ್ನೇನು ಕೆಲ ದಿನಗಳಲ್ಲಿ ಅಪ್ಪ‍–ಅಮ್ಮ ಆಗಲಿದ್ದಾರೆ. ತುಂಬು ಗರ್ಭಿಣಿ ಅನುಷ್ಕಾ ಇತ್ತೀಚೆಗೆ ವೋಗ್ ಇಂಡಿಯಾ ಮ್ಯಾಗಜಿನ್‌ಗೆ ಫೋಸ್ ನೀಡಿದ್ದಾರೆ. ಈ ಫೋಟೊ ಈಗ ವೈರಲ್ ಆಗಿದೆ.

ತಾನು ಗರ್ಭವತಿಯಾದಾಗಿನಿಂದ ಇಲ್ಲಿಯವರೆಗಿನ ಪಯಣ, ಮಗುವಿನ ಕುರಿತು ತಮ್ಮ ನಿರೀಕ್ಷೆ, ಸ್ನೇಹಿತೆಯರ ಸಹಕಾರ ಈ ಎಲ್ಲಾ ವಿಷಯಗಳ ಕುರಿತು ಅನುಷ್ಕಾ ಮ್ಯಾಗಜಿನ್ ಜೊತೆ ಮಾತನಾಡಿದ್ದಾರೆ.

ಈ ಕುರಿತು ತಮ್ಮ ಇನ್‌ಸ್ಟಾಗ್ರಾಂ ಖಾತೆಯಲ್ಲಿ ಹಂಚಿಕೊಂಡಿರುವ ಅನುಷ್ಕಾ ‘ವೋಗ್‌ ಇಂಡಿಯಾಗಾಗಿ ಸೆರೆ ಹಿಡಿದ ದೃಶ್ಯವಿದು, ನಿಜಕ್ಕೂ ಮಜಾವಾಗಿತ್ತು’ ಎಂದು ಬರೆದುಕೊಂಡಿದ್ದಾರೆ.