ನೆಟ್‌ಫ್ಲಿಕ್ಸ್ ವೆಬ್ ಸಿರೀಸ್ ಮೂಲಕ ಬಣ್ಣದ ಲೋಕಕ್ಕೆ ಶಾರುಖ್ ಪುತ್ರಿ ಸುಹಾನಾ ಖಾನ್
Published 16 ಮೇ 2022, 7:23 IST
ಜೋಯಾ ಅಖ್ತರ್ ನಿರ್ದೇಶನದ‘ದಿ ಆರ್ಚೀಸ್‘ ವೆಬ್ ಸಿರೀಸ್
ಬೆಂಗಳೂರು: ಬಾಲಿವುಡ್ ನಟ ಶಾರುಖ್ ಖಾನ್ ಪುತ್ರಿ ಸುಹಾನಾ ಖಾನ್, ವೆಬ್ ಸಿರೀಸ್ ಮೂಲಕ ಬಣ್ಣದ ಲೋಕಕ್ಕೆ ಪ್ರವೇಶಿಸುತ್ತಿದ್ದಾರೆ.
ಜೋಯಾ ಅಖ್ತರ್ ನಿರ್ದೇಶನದ‘ದಿ ಆರ್ಚೀಸ್‘ ವೆಬ್ ಸಿರೀಸ್‌ನಲ್ಲಿ ‘ವೆರೋನಿಕಾ‘ ಪಾತ್ರ ನಿರ್ವಹಿಸುವ ಮೂಲಕ ಶಾರುಖ್ ಪುತ್ರಿ ಸಿನಿ ರಂಗಕ್ಕೆ ಎಂಟ್ರಿ ಕೊಡುತ್ತಿದ್ದಾರೆ.
ಮಗಳು ಚಿತ್ರರಂಗ ಪ್ರವೇಶಿಸುತ್ತಿರುವುದನ್ನು ಶಾರುಖ್ ಮತ್ತು ಗೌರಿ ದಂಪತಿ ಸಂಭ್ರಮಿಸಿದ್ದು, ‘ದಿ ಆರ್ಚೀಸ್‘ ಹೆಸರಿನ ಕೇಕ್‌ ಫೋಟೊ ಪೋಸ್ಟ್ ಮಾಡಿದ್ದಾರೆ.
ವೆಬ್ ಸಿರೀಸ್‌ನ ಪೋಸ್ಟರ್ ಅನ್ನು ಶಾರುಖ್ ಮತ್ತು ಗೌರಿ ತಮ್ಮ ಇನ್‌ಸ್ಟಾಗ್ರಾಮ್‌ನಲ್ಲಿ ಪೋಸ್ಟ್ ಮಾಡಿದ್ದಾರೆ.
ದಿ ಆರ್ಚೀಸ್‌ನಲ್ಲಿ ಅಮಿತಾಭ್ ಬಚ್ಚನ್ ಮೊಮ್ಮಗ ಅಗಸ್ತ್ಯ ನಂದಾ ಮತ್ತು ಬೋನಿ ಕಪೂರ್–ಶ್ರೀದೇವಿ ಪುತ್ರಿ ಖುಷಿ ಕಪೂರ್ ಕೂಡ ನಟಿಸಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.