ಮುಖದಲ್ಲಿನ ಡೆಡ್ ಸ್ಕಿನ್ ತೆಗೆದು ಹಾಕುವುದು ಹೇಗೆ? ಇಲ್ಲಿದೆ ಪರಿಹಾರ

ಮುಖ ಸುಂದರವಾಗಿ ಕಾಣಿಸಿಕೊಳ್ಳಬೇಕೆಂದು ಹಲವರು ಭಾವಿಸುತ್ತಾರೆ. ಆದರೆ, ಮುಖದಲ್ಲಿನ ಜೀವಸತ್ವ ಕಳೆದುಕೊಂಡ ಚರ್ಮದ ಕೋಶ (ಡೆಡ್ ಸ್ಕಿನ್) ಗಳು ಮುಖದ ಅಂಧವನ್ನು ಹಾಳು ಮಾಡುತ್ತವೆ. ಈ ಸಮಸ್ಯೆಗೆ ಕಾರಣಗಳು ಮತ್ತು ಪರಿಹಾರಗಳೇನು ಎಂಬುದನ್ನು ತಿಳಿದುಕೊಳ್ಳುವುದು ಅತ್ಯಗತ್ಯ.

ನಮ್ಮ ಚರ್ಮವು ಪ್ರತಿ 28 ದಿನಗಳಿಗೊಮ್ಮೆ ನವೀಕರಣಗೊಳ್ಳುತ್ತದೆ. ಈ ಪ್ರಕ್ರಿಯೆಯಲ್ಲಿ ಹಳೆಯ ಮತ್ತು ಜೀವಸತ್ವ ಕಳೆದುಕೊಂಡ ಚರ್ಮಕೋಶಗಳು ದೇಹದ ಮೇಲ್ಮೈಯಲ್ಲಿ ಹರಡಿಕೊಂಡಿರುತ್ತದವೆ. ವಯಸ್ಸಾದಂತೆ ಈ ಪ್ರಕ್ರಿಯೆ ನಿಧಾನವಾಗುವುದರಿಂದ ಜೀವಸತ್ವ ಕಳೆದುಕೊಂಡ ಚರ್ಮಕೋಶಗಳು ಹೆಚ್ಚು ಸಂಗ್ರಹವಾಗುತ್ತದೆ.

ಪರಿಣಾಮ ಬೀರುವ ಅಂಶಗಳು:

• ಧೂಳು, ಮಾಲಿನ್ಯ, ಸೂರ್ಯನ ನೇರಳಾತೀತ ಕಿರಣ ಹಾಗೂ ಹವಾಮಾನ ಬದಲಾವಣೆಗಳು ಚರ್ಮದ ಮೇಲೆ ಪರಿಣಾಮ ಬೀರುತ್ತವೆ.

• ಶುಷ್ಕ ವಾತಾವರಣ ಚರ್ಮವನ್ನು ಒಣಗಿಸಿ, ಜೀವಸತ್ವ ಕಳೆದುಕೊಂಡ ಚರ್ಮಕೋಶಗಳ ರಚನೆಯನ್ನು ಹೆಚ್ಚಿಸುತ್ತದೆ.

• ನಿಯಮಿತವಾಗಿ ಮುಖ ತೊಳೆಯುವುದು, ಮೇಕಪ್ ಮಾಡಿದ ನಂತರ ಸರಿಯಾಗಿ ಸ್ವಚ್ಚಗೊಳಿಸದೆ ಇರುವುದು ಮತ್ತು ಮಾಯ್ಶ್ಚರೈಸರ್‌ ಬಳಸದಿರುವುದು ಜೀವಸತ್ವ ಕಳೆದುಕೊಂಡ ಚರ್ಮ ಕೋಶಗಳು ಹರಡಿಕೊಳ್ಳಲು ಕಾರಣವಾಗುತ್ತದೆ.

• ಕಡಿಮೆ ನೀರು ಕುಡಿಯುವುದು ಈ ಸಮಸ್ಯೆಗೆ ಕಾರಣವಾಗಬಹುದು.

ಪರಿಹಾರಗಳು:

• ನಿಯಮಿತ ಎಕ್ಸ್‌ಫೋಲಿಯೇಶನ್: ವಾರಕ್ಕೆ 2 ರಿಂದ 3 ಬಾರಿ ನಿಧಾನವಾಗಿ ಸ್ಕ್ರಬ್ ಬಳಸಿ ಮುಖವನ್ನು ಎಕ್ಸ್‌ಫೋಲಿಯೇಟ್ ಮಾಡಬೇಕು. ಇದು ಜೀವಸತ್ವ ಕಳೆದುಕೊಂಡ ಚರ್ಮ ಕೋಶಗಳನ್ನು ತೆಗೆದುಹಾಕಿ ಚರ್ಮವನ್ನು ಹೊಳೆಯುವಂತೆ ಮಾಡುತ್ತದೆ. (ಅತಿಯಾದ ಎಕ್ಸ್‌ಫೋಲಿಯೇಶನ್ ಚರ್ಮಕ್ಕೆ ಹಾನಿಕಾರಕವಾಗಬಹುದು.)

• ಮೊಸರು ಹಚ್ಚಿ : ಮೊಸರನ್ನು ಮುಖಕ್ಕೆ ಲೇಪಿಸಿ 15 ನಿಮಿಷಗಳ ನಂತರ ತೊಳೆಯಿರಿ. ಇದು ಜೀವಸತ್ವ ಕಳೆದುಕೊಂಡ ಚರ್ಮವನ್ನು ತೆಗೆಯಲು ಸಹಾಯ ಮಾಡುತ್ತದೆ.

• ಜೇನು ಮತ್ತು ಬಾದಾಮಿ ಪುಡಿ: ಈ ಮಿಶ್ರಣವು ಚರ್ಮವನ್ನು ಮೃದುವಾಗಿಸಿ ಜೀವಸತ್ವ ಕಳೆದುಕೊಂಡ ಚರ್ಮವನ್ನು ತೆಗೆದುಹಾಕುತ್ತದೆ.

• ಪಪಾಯಿ ಮತ್ತು ಜೇನು: ಪಪಾಯಿಯಲ್ಲಿರುವ ಎಂಜೈಮ್‌ಗಳು ನೈಸರ್ಗಿಕವಾಗಿ ಜೀವಸತ್ವ ಕಳೆದುಕೊಂಡ ಚರ್ಮಕೋಶಗಳನ್ನು ಕರಗಿಸುತ್ತವೆ.

• ಸರಿಯಾದ ಚರ್ಮ ನಿರ್ವಹಣೆಯ ದಿನಚರಿ: ದಿನಕ್ಕೆ ಎರಡು ಬಾರಿ ಸೌಮ್ಯವಾದ ಫೇಸ್‌ವಾಶ್‌ನಿಂದ ಮುಖ ತೊಳೆಯಿರಿ. ತೊಳೆದ ನಂತರ ಟೋನರ್ ಮತ್ತು ಮಾಯ್ಶ್ಚರೈಸರ್ ಬಳಸುವುದು ಅತ್ಯವಶ್ಯಕ. ರಾತ್ರಿ ಮಲಗುವ ಮುನ್ನ ಮೇಕಪ್ ತೆಗೆಯುವುದನ್ನು ಮರೆಯಬೇಡಿ.

• ಸ್ಟೀಮಿಂಗ್ (ಬಿಸಿ ಆವಿ): ವಾರಕ್ಕೊಮ್ಮೆ ಮುಖಕ್ಕೆ ಬಿಸಿ ಆವಿ ಕೊಡುವುದರಿಂದ ಮುಖದ ರಂಧ್ರಗಳು ತೆರೆದುಕೊಳ್ಳುತ್ತವೆ. ಇದರಿಂದಾಗಿ ಜೀವಸತ್ವ ಕಳೆದುಕೊಂಡ ಚರ್ಮವನ್ನು ಸುಲಭವಾಗಿ ತೆಗೆದು ಹಾಕಬಹುದು. 5 ರಿಂದ 10 ನಿಮಿಷ ಬಿಸಿ ಆವಿ ನೀಡಬೇಕು.

• ಜೀವನಶೈಲಿ ಬದಲಾವಣೆ: ದಿನಕ್ಕೆ 8 ರಿಂದ 10 ಲೋಟ ನೀರು ಕುಡಿಯಿರಿ. ತಾಜಾ ಹಣ್ಣು ಮತ್ತು ತರಕಾರಿಗಳನ್ನು ಸೇವಿಸಿ. ಸಾಕಷ್ಟು ನಿದ್ರೆ ಮತ್ತು ವ್ಯಾಯಾಮ ಚರ್ಮದ ಆರೋಗ್ಯಕ್ಕೆ ಅತ್ಯಗತ್ಯ.

• ಸನ್‌ಸ್ಕ್ರೀನ್ ಬಳಕೆ: ಸೂರ್ಯನ ಹಾನಿಕಾರಕ ಕಿರಣಗಳಿಂದ ರಕ್ಷಿಸಲು ಎಸ್‌ಪಿಎಫ್‌ 30 ಅಥವಾ ಅದಕ್ಕಿಂತ ಹೆಚ್ಚಿನ ಸನ್‌ಸ್ಕ್ರೀನ್ ಪ್ರತಿದಿನ ಬಳಸಿರಿ.

ಜೀವಸತ್ವ ಕಳೆದುಕೊಂಡ ಚರ್ಮಕೋಶಗಳನ್ನು ತೆಗೆಯುವುದು ಆರೋಗ್ಯಕರ ಅಭ್ಯಾಸವಾಗಿದೆ. ನಿಯಮಿತ ಚರ್ಮದ ನಿರ್ವಹಣೆ, ನೈಸರ್ಗಿಕ ಪರಿಹಾರ ಕ್ರಮ ಮತ್ತು ಆರೋಗ್ಯಕರ ಜೀವನಶೈಲಿಯ ಮೂಲಕ ಈ ಸಮಸ್ಯೆಯನ್ನು ಪರಿಣಾಮಕಾರಿಯಾಗಿ ನಿರ್ವಹಿಸಬಹುದು.

(ಡಾ. ಶಿರಿನ್ ಫುರ್ಟಾಡೋ, ಹಿರಿಯ ಸಲಹೆಗಾರರು – ವೈದ್ಯಕೀಯ ಮತ್ತು ಸೌಂದರ್ಯ ಚರ್ಮರೋಗ ತಜ್ಞರು, ಆಸ್ಟರ್ CMI ಆಸ್ಪತ್ರೆ, ಬೆಂಗಳೂರು.)