Covid-19 India Update: ಒಂದೇ ದಿನ 92,605 ಪ್ರಕರಣ, 1,133 ಸಾವು

ನವದೆಹಲಿ: ದೇಶದಾದ್ಯಂತ 24 ಗಂಟೆ ಅವಧಿಯಲ್ಲಿ 92,605 ಹೊಸ ಕೊರೊನಾ ವೈರಸ್ ಪ್ರಕರಣಗಳು ಪತ್ತೆಯಾಗಿವೆ. 1,133 ಮಂದಿ ಮೃತಪಟ್ಟಿದ್ದಾರೆ ಎಂದು ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವಾಲಯ ತಿಳಿಸಿದೆ.

ಈವರೆಗೆ 54,00,620 ಜನರಿಗೆ ಸೋಂಕು ತಗುಲಿದ್ದು, 86,752 ಮಂದಿ ಅಸುನೀಗಿದ್ದಾರೆ. 43,03,044 ಜನ ಗುಣಮುಖರಾಗಿದ್ದಾರೆ. 10,10,824 ಸಕ್ರಿಯ ಪ್ರಕರಣಗಳಿವೆ.

ಸದ್ಯ ಮಹಾರಾಷ್ಟ್ರದಲ್ಲಿ 3,01,273, ಕರ್ನಾಟಕದಲ್ಲಿ 1,01,148, ಆಂಧ್ರಪ್ರದೇಶದಲ್ಲಿ 84,423, ಉತ್ತರ ಪ್ರದೇಶದಲ್ಲಿ 67,825 ಹಾಗೂ ತಮಿಳುನಾಡಿನಲ್ಲಿ 46,506 ಸಕ್ರಿಯ ಪ್ರಕರಣಗಳಿವೆ.

ಇದನ್ನೂ ಓದಿ:ಅಮೆರಿಕ: ಅಸ್ಟ್ರಾಜೆನೆಕಾ ಕೊರನಾ ಲಸಿಕೆಯ ಸ್ಥಗಿತಗೊಂಡ ಪ್ರಯೋಗ ಇನ್ನೂ ಆರಂಭವಾಗಿಲ್ಲ

ಸೆಪ್ಟೆಂಬರ್ 19ರ ವರೆಗೆ ದೇಶದಲ್ಲಿ 6.36 ಕೋಟಿಗೂ ಹೆಚ್ಚು ಕೋವಿಡ್ ಪರೀಕ್ಷೆಗಳನ್ನು ನಡೆಸಲಾಗಿದೆ. ಶನಿವಾರ 12,06,806 ಪರೀಕ್ಷೆಗಳನ್ನು ನಡೆಸಲಾಗಿದೆ. ಈವರೆಗೆ ದಿನವೊಂದರಲ್ಲಿ ನಡೆಸಲಾದ ಗರಿಷ್ಠ ಪರೀಕ್ಷೆ ಇದಾಗಿದೆ.