ಹಿಮಾಚಲ ಪ್ರದೇಶ: ಪ್ರವಾಹದಲ್ಲಿ ನಾಲ್ವರು ಸಾವು

ಶಿಮ್ಲಾ/ಧರ್ಮಶಾಲಾ: ಹಿಮಾಚಲ ಪ್ರದೇಶದ ಕಂಗ್ರಾ ಜಿಲ್ಲೆಯಲ್ಲಿರುವ ಜಲವಿದ್ಯುತ್‌ ಯೋಜನಾ ಸ್ಥಳದಲ್ಲಿ ಸಂಭವಿಸಿದ ಹಠಾತ್‌ ಪ್ರವಾಹದಲ್ಲಿ ನಾಲ್ವರು ಸಾವಿಗೀಡಾಗಿದ್ದಾರೆ.

ಸ್ಥಳದಲ್ಲಿ ಇನ್ನೂ ಏಳು ಮಂದಿ ನಾಪತ್ತೆಯಾಗಿದ್ದು, ರಾಷ್ಟ್ರೀಯ ವಿಪತ್ತು ನಿರ್ವಹಣಾ ಪಡೆ (ಎನ್‌ಡಿಆರ್‌ಎಫ್‌) ಹಾಗೂ ಇತರ ತಂಡಗಳು ಶೋಧ ಕಾರ್ಯಾಚರಣೆ ನಡೆಸುತ್ತಿವೆ. ಬುಧವಾರ ಹಾಗೂ ಗುರುವಾರ ತಲಾ ಇಬ್ಬರ ಮೃತದೇಹಗಳನ್ನು ಹೊರತೆಗೆಯಲಾಯಿತು ಎಂದು ಅಧಿಕಾರಿಗಳು ಮಾಹಿತಿ ನೀಡಿದರು.

ಬುಧವಾರ ರಾತ್ರಿ, ಸ್ಥಳದಲ್ಲಿ 250ರಿಂದ 275 ‌ಕಾರ್ಮಿಕರು ಇದ್ದರು. ಇವರಿಗೆಲ್ಲ ತಾತ್ಕಾಲಿಕ ಆಶ್ರಯ ತಾಣಗಳನ್ನು ಒದಗಿಸಲಾಗಿತ್ತು. ಮಳೆಯಿಂದಾಗಿ ‌‌ಯೋಜನಾ ಕಾರ್ಯವನ್ನು ಸ್ಥಗಿತಗೊಳಿಸಲಾಗಿತ್ತು.

ಮೃತರನ್ನು ಜಮ್ಮು ಮತ್ತು ಕಾಶ್ಮೀರದ ಚಾಯಿನ್‌ ಸಿಂಗ್‌, ಚಂಬಾದ ಆದಿತ್ಯ ಠಾಕುರ್ ಹಾಗೂ ಉತ್ತರ ಪ್ರದೇಶದ ಪ್ರದೀಪ್‌‌ ವರ್ಮಾ ಹಾಗೂ ಚಂದನ್‌ ಎಂದು ಗುರುತಿಸಲಾಗಿದೆ.