ಕ್ಯಾಲಿಫೋರ್ನಿಯಾದಲ್ಲಿ ಬಾಂಬ್ ದಾಳಿ: ಆಸ್ಪತ್ರೆಗೆ ಹಾನಿ, ವ್ಯಕ್ತಿ ಸಾವು

ನ್ಯೂಯಾರ್ಕ್‌: ಕ್ಯಾಲಿಫೋರ್ನಿಯಾದ ಪಾಮ್ ಸ್ಪ್ರಿಂಗ್ಸ್‌ನ ಓಯಸಿಸ್‌ನಲ್ಲಿ ಆಸ್ಪತ್ರೆಯೊಂದರ ಬಳಿ ಬಾಂಬ್‌ ಸ್ಫೋಟ ಸಂಭವಿಸಿದ್ದು, ಸಮೀಪದ ಕಟ್ಟಡಗಳಿಗೆ ಹಾನಿಯಾಗಿದೆ. ಘಟನೆಯಲ್ಲಿ ಹಲವಾರು ಬ್ಲಾಕ್‌ಗಳಲ್ಲಿ ಕಿಟಕಿಗಳು ಒಡೆದು ಹೋಗಿದ್ದು, ಇದೊಂದು ‘ಭಯೋತ್ಪಾದಕ ದಾಳಿ’ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಇದು ಆಸ್ಪತ್ರೆಯನ್ನು ಗುರಿಯಾಗಿಸಿ ನಡೆಸಿದ ಉದ್ದೇಶಪೂರ್ವಕ ಭಯೋತ್ಪಾದನಾ ಕೃತ್ಯವಾಗಿದೆ ಎಂದು ಲಾಸ್ ಏಂಜಲೀಸ್ ಫೀಲ್ಡ್ ಆಫೀಸ್‌ನ ಉಸ್ತುವಾರಿ ಸಹಾಯಕ ನಿರ್ದೇಶಕ ಅಕಿಲ್ ಡೇವಿಸ್ ಹೇಳಿದ್ದಾರೆ.

ಬಾಂಬ್ ದಾಳಿ ಕುರಿತು ತನಿಖೆ ನಡೆಸಲಾಗುತ್ತಿದೆ. ಈ ಘಟನೆ ದೇಶೀಯ ಅಥವಾ ಅಂತರರಾಷ್ಟ್ರೀಯ ಭಯೋತ್ಪಾದನೆಯ ಕೃತ್ಯವೇ ಎಂಬುದು ಇನ್ನೂ ಸ್ಪಷ್ಟವಾಗಿಲ್ಲ ಎಂದು ಡೇವಿಸ್ ತಿಳಿಸಿದ್ದಾರೆ.