ಬಿಹಾರ ಸಂಪುಟ ವಿಸ್ತರಣೆ: ಬಿಜೆಪಿಯ 7 ಸಚಿವರು ಪ್ರಮಾಣ ವಚನ

ಪಟ್ನಾ: ಬಿಹಾರದ ಮುಖ್ಯಮಂತ್ರಿ ನಿತೀಶ್‌ ಕುಮಾರ್ ಅವರು ಬುಧವಾರ ಸಂಪುಟ ವಿಸ್ತರಣೆ ಮಾಡಿದ್ದು, ಬಿಜೆಪಿಯ 7 ಶಾಸಕರು ಸಚಿವರಾಗಿ ಪ್ರಮಾಣ ವಚನ ಸ್ವೀಕರಿಸಿದರು.

ರಾಜಭವನದಲ್ಲಿ ನಡೆದ ಸರಳ ಸಮಾರಂಭದಲ್ಲಿ ರಾಜ್ಯಪಾಲ ಆರಿಫ್‌ ಮೊಹಮ್ಮದ್ ಖಾನ್‌ ಅವರು ನೂತನ ಸಚಿವರಿಗೆ ಪ್ರಮಾಣ ವಚನ ಬೋಧಿಸಿದರು.

ಸಂಪುಟ ವಿಸ್ತರಣೆಯಿಂದ ಸಂಪುಟದ ಬಲ 36ಕ್ಕೆ ಏರಿದಂತಾಗಿದೆ.

ಜಿಬೇಶ್‌ ಕುಮಾರ್‌, ಸಂಜಯ್‌ ಸರೋಗಿ, ಸುನೀಲ್‌ ಕುಮಾರ್, ರಾಜು ಕುಮಾರ್‌ ಸಿಂಗ್‌, ಮೋತಿ ಲಾಲ್‌ ಪ್ರಸಾದ್‌, ವಿಜಯ್‌ ಕುಮಾರ್‌, ಕೃಷ್ಣಕುಮಾರ್‌ ಪ್ರಮಾಣವಚನ ಸ್ವೀಕಾರ ಮಾಡಿದರು.

ಇಂದು ಪ್ರಮಾಣವಚನ ಸ್ವೀಕಾರ ಮಾಡಿದ ಎಲ್ಲ ಸಚಿವರೂ ಬಿಜೆಪಿಯವರಾಗಿದ್ದಾರೆ. ಜೆಡಿಯುನ ಯಾರೂ ಸಹ ಪ್ರಮಾಣ ವಚನ ಸ್ವೀಕರಿಸಲಿಲ್ಲ. ಬೆಳಗ್ಗೆ ಬಿಜೆಪಿ ರಾಜ್ಯ ಘಟಕದ ಅಧ್ಯಕ್ಷ ದಿಲೀಪ್‌ ಜೈಸ್ವಾಲ್‌ ಸಚಿವ ಸ್ಥಾನಕ್ಕೆ ರಾಜೀನಾಮೆ ನೀಡಿದ್ದರು.