ಬುಡಕಟ್ಟು ಸರ್ಕಾರಿ ಯೋಜನೆಗಳ ಹಿಂದಿನ ಪ್ರೇರಣೆ ಬಿರ್ಸಾ ಮುಂಡಾ: ಪ್ರಧಾನಿ ಮೋದಿ

ನವದೆಹಲಿ: ಬುಡಕಟ್ಟು ಸಮುದಾಯದ ನಾಯಕ ಬಿರ್ಸಾ ಮುಂಡಾ ಅವರಿಗೆ ಜನ್ಮದಿನದ ಪ್ರಯುಕ್ತ ಮಂಗಳವಾರ ಗೌರವ ನಮನ ಸಲ್ಲಿಸಿರುವ ಪ್ರಧಾನಿ ನರೇಂದ್ರ ಮೋದಿ, ತಮ್ಮ ಸರ್ಕಾರದ ಹಲವಾರು ಬುಡಕಟ್ಟು ಅಭಿವೃದ್ಧಿ ಯೋಜನೆಗಳ ಹಿಂದಿನ ಪ್ರೇರಣೆ ಮುಂಡಾ ಎಂದು ಹೇಳಿದ್ದಾರೆ.

ಈ ಕುರಿತು ವಿಡಿಯೊ ಸಂದೇಶ ನೀಡಿರುವ ಮೋದಿ, ತಮ್ಮ ಸರ್ಕಾರದ ಹಲವಾರು ಅಭಿವೃದ್ಧಿ ಯೋಜನೆಗಳಿಂದ ಕೋಟ್ಯಂತರ ಬುಡಕಟ್ಟು ಕುಟುಂಬಗಳು ಪ್ರಯೋಜನ ಪಡೆದಿವೆ. ಅವರ ಬದುಕು ಉತ್ತಮಗೊಂಡಿದೆ ಎಂದು ತಿಳಿಸಿದ್ದಾರೆ.

ಬುಡಕಟ್ಟು ಸಮುದಾಯದ ಸ್ವತಂತ್ರ ಹೋರಾಟಗಾರರ ಬಲಿದಾನ ಸ್ಮರಣೆಗೆ ಮೀಸಲಾದ ಮ್ಯೂಸಿಯಂ ಅನ್ನು ದೇಶದಾದ್ಯಂತ ನಿರ್ಮಿಸಲಾಗುತ್ತಿದೆ ಎಂದು ಅವರು ಹೇಳಿದರು.

ತಮ್ಮ ಸರ್ಕಾರದಲ್ಲಿ ಮುಂಡಾ ಜನ್ಮ ದಿನವನ್ನು ‘ಜನ್‌ಜತೀಯ ಗೌರವ್‌ ದಿವಸ್‌’ ಆಗಿ ಆಚರಿಸಲಾಗುತ್ತಿದೆ ಮೋದಿ ತಿಳಿಸಿದ್ದಾರೆ.