ರಾಜಾ ರಘುವಂಶಿ ಕೊಲೆ ಪ್ರಕರಣ: ಸೋನಮ್‌ ಕುಟುಂಬಸ್ಥರ ವಿಚಾರಣೆ

ಇಂದೋರ್‌: ಉದ್ಯಮಿ ರಾಜಾ ರಘುವಂಶಿ ಕೊಲೆ ಪ್ರಕರಣಕ್ಕೆ ಸಂಬಂಧಿಸಿದಂತೆ, ಪ್ರಮುಖ ಆರೋಪಿಯಾಗಿರುವ ಅವರ ಪತ್ನಿ ಸೋನಮ್ ಅವರ, ಇಂದೋರ್‌ನ ಗೋವಿಂದ ನಗರದ ತವರು ಮನೆಗೆ ಭೇಟಿ ನೀಡಿದ  ಮೇಘಾಲಯ ಪೊಲೀಸರು, ಅವರ ಕುಟುಂಬಸ್ಥರನ್ನು ವಿಚಾರಣೆಗೆ ಒಳಪಡಿಸಿದರು. 

ಇಂದೋರ್‌ ಮೂಲಕ ಉದ್ಯಮಿ ರಾಜಾ ರಘುವಂಶಿ, ಪತ್ನಿ ಸೋನಮ್‌ ಜತೆ ಮೇಘಾಲಯಕ್ಕೆ ಮಧುಚಂದ್ರಕ್ಕೆ ಬಂದಿದ್ದಾಗ ಮೇ 23ರಂದು ಕೊಲೆಯಾಗಿದ್ದರು. 

‘ಮೇಘಾಲಯ ಪೊಲೀಸರು ತಮ್ಮನ್ನೂ ಸೇರಿ ಕಟುಂಬಸ್ಥರ ಬಳಿ  ಸೋನಮ್‌ ಅವರ ನಡವಳಿಕೆ ಕುರಿತು  ಮಾಹಿತಿ ಸಂಗ್ರಹಿಸಿದರು’ ಎಂದು ವಿಚಾರಣೆ ಬಳಿಕ ಸೋನಮ್‌ ಅವರ ಸಹೋದರ ಗೋವಿಂದ್ ಸುದ್ದಿಗಾರರ ಪ್ರಶ್ನೆಗೆ ಉತ್ತರಿಸಿದರು.