5 ರಾಜ್ಯಗಳ ವಿಧಾನಸಭೆ ಚುನಾವಣೆ: ಫೆ. 10ರಿಂದ ಮತಗಟ್ಟೆ ಸಮೀಕ್ಷೆ ನಿಷೇಧ

ನವದೆಹಲಿ: ಐದು ರಾಜ್ಯಗಳ ವಿಧಾನಸಭಾ ಚುನಾವಣೆಗಳ ಹಿನ್ನೆಲೆಯಲ್ಲಿ ಫೆಬ್ರವರಿ 10 ಮತ್ತು ಮಾರ್ಚ್ 7ರ ನಡುವೆ ಮತಗಟ್ಟೆ ಸಮೀಕ್ಷೆಗಳನ್ನು ನಡೆಸುವುದು ಮತ್ತು ಪ್ರಕಟಿಸುವುದನ್ನು ಭಾರತೀಯ ಚುನಾವಣಾ ಆಯೋಗ ನಿಷೇಧಿಸಿ ಶನಿವಾರ ಆದೇಶಿಸಿದೆ.

‘ಫೆಬ್ರುವರಿ 10ರ ಬೆಳಿಗ್ಗೆ 7ರಿಂದ, ಮಾರ್ಚ್ 7 ರ ಸಂಜೆ 6.30 ರ ನಡುವಿನ ಅವಧಿಯಲ್ಲಿ ಮತಗಟ್ಟೆ ಸಮೀಕ್ಷೆಯನ್ನು ನಡೆಸುವ ಮತ್ತು ಮುದ್ರಣ ಅಥವಾ ವಿದ್ಯುನ್ಮಾನ ಮಾಧ್ಯಮದ ಮೂಲಕ ಪ್ರಕಟಿಸುವ ಅಥವಾ ಪ್ರಚಾರ ಮಾಡುವುದುನ್ನು ನಿಷೇಧಿಸಲಾಗಿದೆ’ ಎಂದು ಆಯೋಗ ತಿಳಿಸಿದೆ.

‘ಚುನಾವಣೆಗೆ ಸಂಬಂಧಿಸಿದ ವಿಷಯಗಳು, ಅಭಿಪ್ರಾಯ ಸಂಗ್ರಹ, ಸಮೀಕ್ಷೆಯನ್ನು ಮತದಾನ ನಡೆಯುವ 48 ಗಂಟೆಗಳ ಮೊದಲೇ ನಿಷೇದಿಸಲಾಗುವುದು,’ ಎಂದು ಆಯೋಗ ಹೇಳಿದೆ.