ರಷ್ಯಾ: ಚಿನ್ನದ ಗಣಿಯೊಳಗೆ ಸಿಲುಕಿದ 13 ಮಂದಿ

ಮಾಸ್ಕೊ: ಪೂರ್ವ ರಷ್ಯಾದ ಝೆಯ್‌ಸ್ಕ್‌ ಜಿಲ್ಲೆಯಲ್ಲಿರುವ ಚಿನ್ನದ ಗಣಿ ಕುಸಿದು ಬಿದ್ದಿದ್ದು, ಕನಿಷ್ಠ 13 ಜನರು ಅದರೊಳಗೆ ಸಿಲುಕಿದ್ದಾರೆ ಎಂದು ಪ್ರಾದೇಶಿಕ ಅಧಿಕಾರಿಗಳು ಮಂಗಳವಾರ ತಿಳಿಸಿದ್ದಾರೆ.

‘ಸ್ಥಳದಲ್ಲಿ ಶೋಧ ಕಾರ್ಯಾಚರಣೆ ಆರಂಭಿಸಲಾಗಿದೆ. 125 ಮೀಟರ್‌ ಆಳದಲ್ಲಿ ಸಿಲುಕಿರುವ ಸಂತ್ರಸ್ತರನ್ನು ತಲುಪಲು ಕ್ಷೀಪ್ರ ಕಾರ್ಯಾಚರಣೆ ಪಡೆ ಹರಸಾರಸ ನಡೆಸುತ್ತಿದೆ’ ಎಂದು ತಿಳಿಸಿದ್ದಾರೆ.

ಅವಘಡಕ್ಕೆ ಕಾರಣ ಏನೆಂದು ಅಧಿಕಾರಿಗಳು ಇನ್ನೂ ತಿಳಿಸಿಲ್ಲ. ಸುರಕ್ಷತಾ ಮಾನದಂಡ ಉಲ್ಲಂಘನೆಯಿಂದಲೇ ಈ ಹಿಂದೆ ಇಂಥ ಅನೇಕ ಅವಘಡಗಳು ಸಂಭವಿಸಿದ್ದವು.