ಸಿಂಗಪುರ | ಭಾರತದ ಮಹಿಳೆಗೆ ಜನಾಂಗೀಯ ನಿಂದನೆ: ಚೀನಾ ಮೂಲದ ವ್ಯಕ್ತಿಗೆ ಶಿಕ್ಷೆ

ಸಿಂಗಪುರ: ಭಾರತ ಮೂಲದ 57 ವರ್ಷದ ಮಹಿಳೆಗೆ 2021ರ ಮೇ ತಿಂಗಳಿನಲ್ಲಿ ಜನಾಂಗೀಯ ನಿಂದನೆ ಮಾಡಿ ಎದೆಗೆ ಒದ್ದ ಪ್ರಕರಣಕ್ಕೆ ಸಂಬಂಧಿಸಿದಂತೆ ಚೀನಾ ಮೂಲದ ಸಿಂಗಾಪುರದ ವ್ಯಕ್ತಿಗೆ ಸೋಮವಾರ 3 ತಿಂಗಳ ಜೈಲು ಶಿಕ್ಷೆ ವಿಧಿಸಲಾಗಿದೆ.

2021ರ ಮೇ 7ರಂದು ಕರೊನಾ ಸಾಂಕ್ರಾಮಿಕ ಸಂದರ್ಭದಲ್ಲಿ ಮಾಸ್ಕ್‌ (ಮುಖಗವಸು) ಧರಿಸಿ ಎಂದು ಹೇಳಿದ್ದಕ್ಕೆ ಆರಂಭವಾದ ಗಲಾಟೆಯಲ್ಲಿ, 32 ವರ್ಷದ ವಾಂಗ್‌ ಕ್ಸಿಂಗ್‌ ಫಾಂಗ್‌, ಭಾರತ ಮೂಲದ ನಿತಾ ವಿಷ್ಣುಭಾಯಿ ಅವರಿಗೆ ಜನಾಂಗೀಯ ನಿಂದನೆ ಮಾಡಿ, ಎದೆಗೆ ಒದ್ದು ಹಲ್ಲೆ ಮಾಡಿದ್ದರು.

ಸಂತ್ರಸ್ತೆಗೆ ₹ 814 (ಎಸ್‌ಜಿಡಿ 13.20) ಪರಿಹಾರ ನೀಡುವಂತೆ ಆದೇಶಿಸಿದೆ.