Covid-19 World Update | ಜಾಗತಿಕವಾಗಿ 1.01 ಕೋಟಿ ಜನರು ಸೋಂಕಿನಿಂದ ಗುಣಮುಖ

ವಾಷಿಂಗ್ಟನ್: ಜಾಗತಿಕವಾಗಿ 1.65 ಕೋಟಿ ಜನರಿಗೆ ಕೊರೊನಾ ಸೋಂಕು ದೃಢಪಟ್ಟಿದ್ದು 6.53 ಲಕ್ಷ ಜನರು ಮೃತಪಟ್ಟಿದ್ದು 1.01 ಕೋಟಿ ಜನರು ಗುಣಮುಖರಾಗಿದ್ದಾರೆ.

ಜಗತ್ತಿನಾದ್ಯಂತ 1,65,26,409 ಜನರಿಗೆ ಕೊರೊನಾ ಸೋಂಕು ದೃಢಪಟ್ಟಿದ್ದು, 6,53,971 ಮಂದಿ ಮೃತಪಟ್ಟಿದ್ದಾರೆ. ಈ ವರೆಗೆ 1,01,15,994 ಸೋಂಕಿತರು ಗುಣಮುಖರಾಗಿದ್ದಾರೆ ಎಂದು ವರ್ಡೊಮೀಟರ್‌ ವೆಬ್‌ಸೈಟ್‌ ಮಾಹಿತಿ ನೀಡಿದೆ.

ಜಗತ್ತಿನಲ್ಲಿ ಅತಿಹೆಚ್ಚು ಪ್ರಕರಣಗಳನ್ನು ಹೊಂದಿರುವ ರಾಷ್ಟ್ರಗಳ ಪಟ್ಟಿಯಲ್ಲಿ ಅಮೆರಿಕ ಮೊದಲ ಸ್ಥಾನ, ಬ್ರೆಜಿಲ್‌ ಎರಡನೇ ಸ್ಥಾನ ಹಾಗೂ ಭಾರತ ಮೂರನೇ ಸ್ಥಾನದಲ್ಲಿದೆ. ಅಮೆರಿಕದಲ್ಲಿ 43,92,833 ಸೋಂಕಿತರಿದ್ದು, ಈ ವರೆಗೆ 1,49,973 ಮಂದಿ ಸಾವಿಗೀಡಾಗಿದ್ದಾರೆ.

ಬ್ರೆಜಿಲ್‌ ದೇಶದಲ್ಲಿ 24,23,798 ಪ್ರಕರಣಗಳು ವರದಿಯಾಗಿದ್ದು 16,34,274 ಸೋಂಕಿತರು ಗುಣಮುಖರಾಗಿದ್ದರೆ 87,131 ಜನರು ಮೃತಪಟ್ಟಿದ್ದಾರೆ.

ಭಾರತದಲ್ಲಿ 14,79,277, ರಷ್ಯಾದಲ್ಲಿ 8,18,120, ದಕ್ಷಿಣ ಆಫ್ರಿಕಾದಲ್ಲಿ 4,45,433 ಕೊರೊನಾ ಸೋಂಕು ಪ್ರಕರಣಗಳು ದಾಖಲಾಗಿವೆ.

ಇವುಗಳ ನಂತರದ ಸ್ಥಾನದಲ್ಲಿ ಮೆಕ್ಸಿಕೊ, ಚಿಲಿ, ಪೆರು, ದೇಶಗಳು ಇವೆ. ಇಲ್ಲಿ ಸೋಂಕಿನ ಪ್ರಮಾಣ ತೀವ್ರಗತಿಯಲ್ಲಿ ಏರುತ್ತಿದೆ. ಜಾಗತಿಕ 215 ದೇಶಗಳಲ್ಲಿ ಕೊರೊನಾ ವೈರಸ್‌ ಸೋಂಕು ಹರಡಿದೆ. ಪುಟ್ಟ ದೇಶ ಅಂಗುಲಿಯಾದಲ್ಲಿ ಮೂರು ಪ್ರಕರಣಗಳು ದಾಖಲಾಗಿದ್ದು, ಕೋವಿಡ್‌ ಪಟ್ಟಿಯಲ್ಲಿ ಕೊನೆಯ ಸ್ಥಾನದಲ್ಲಿದೆ.