ಕೆಂಪು ಸಮುದ್ರದಲ್ಲಿ ಹಡಗಿನ ಮೇಲೆ ಹುಥಿ ಬಂಡುಕೋರರ ದಾಳಿ: ಮೂವರ ಸಾವು

ದುಬೈ: ಕೆಂಪು ಸಮುದ್ರದಲ್ಲಿ ಸಾಗುತ್ತಿದ್ದ ಸರಕು ಸಾಗಣೆ ಹಡಗಿನ ಮೇಲೆ ಯೆಮೆನ್‌ನ ಹುಥಿ ಬಂಡುಕೋರರು ದಾಳಿ ನಡೆಸಿದ್ದಾರೆ. ಈ ದಾಳಿಯಿಂದಾಗಿ ಹಡಗಿನ ಮೂವರು ಸಿಬ್ಬಂದಿ ಮೃತಪಟ್ಟು, ಇತರ ಇಬ್ಬರು ಗಾಯಗೊಂಡಿದ್ದಾರೆ ಎಂದು ಐರೋಪ್ಯ ಒಕ್ಕೂಟದ ನೌಕಾಪಡೆ ಮಂಗಳವಾರ ಹೇಳಿದೆ.

ಗ್ರೀಸ್‌ ಒಡೆ‌ತನದ ‘ಎಟರ್ನಿಟಿ ಸಿ’ ಹಡಗು ದಾಳಿಗೆ ಒಳಗಾಗಿದ್ದು, ಲೈಬಿರಿಯಾದಲ್ಲಿ ನೋಂದಣಿಯಾಗಿದೆ.

ಮತ್ತೊಂದು ಹಡಗನ್ನು ಕೆಂಪು ಸಮುದ್ರದಲ್ಲಿ ಸೋಮವಾರ ಮುಳುಗಿಸಲಾಗಿದೆ ಎಂದೂ ಹುಥಿ ಬಂಡುಕೋರರು ಹೇಳಿಕೊಂಡಿದ್ದಾರೆ.