ಮ್ಯಾನ್ಮಾರ್‌ನಲ್ಲಿ ಜಪಾನ್ ಪತ್ರಕರ್ತನ ಬಂಧನ: ಬಿಡುಗಡೆ ಮಾಡುವಂತೆ ಒತ್ತಾಯ
Published 19 ಏಪ್ರಿಲ್ 2021, 5:56 IST
ಪ್ರಾತಿನಿಧಿಕ ಚಿತ್ರ
ಟೋಕಿಯೊ: ಭದ್ರತಾ ಪಡೆಗಳುಯಾಂಗೂನ್‌ನಲ್ಲಿ ಭಾನುವಾರ ಬಂಧಿಸಿರುವ ಜಪಾನಿನ ಪತ್ರಕರ್ತರೊಬ್ಬರನ್ನು ಬಿಡುಗಡೆ ಮಾಡುವಂತೆ ಜಪಾನ್ ಸರ್ಕಾರ ಮ್ಯಾನ್ಮಾರ್‌ ಆಡಳಿತವನ್ನು ಕೇಳಿದೆ.
ಈ ಕುರಿತು ಸೋಮವಾರ ಸುದ್ದಿಗಾರರೊಂದಿಗೆ ಮಾತನಾಡಿದ ಜಪಾನ್ ಸರ್ಕಾರದ ಮುಖ್ಯ ಕಾರ್ಯದರ್ಶಿ ಕತ್ಸುನೊಬು ಕಟೊ, ‘ಪತ್ರಕರ್ತನನ್ನು ಬಂಧಿಸಿರುವ ಕಾರಣ ಮತ್ತು ಅವರ ವಿವರಗಳನ್ನು ನೀಡುವ ಜತೆಗೆ, ಸಾಧ್ಯವಾದಷ್ಟು ಬೇಗ ಅವರನ್ನು ಬಿಡುಗಡೆ ಮಾಡಬೇಕು‘ ಎಂದು ಕೇಳಿದ್ದಾರೆ.
ಯಾಂಗೂನ್‌ ನಲ್ಲಿರುವ ಹವ್ಯಾಸಿ ಪತ್ರಕರ್ತ ಹಾಗೂ ನಿಕ್ಕಿ ಬ್ಯುಸಿನೆಸ್‌ ಪತ್ರಿಕೆಯ ಮಾಜಿ ವರದಿಗಾರ ಯುಕಿ ಕಿಟಝುಮಿ ಬಂಧಿತರು ಎಂದು ಜಪಾನ್‌ನ ಮಾಧ್ಯಮಗಳು ವರದಿ ಮಾಡಿವೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.