ನಾನು, ಪುಟಿನ್ ಒಟ್ಟಿಗೆ ಸೇರದೆ ಉಕ್ರೇನ್ ವಿಚಾರದಲ್ಲಿ ಏನೂ ಆಗದು: ಟ್ರಂಪ್

ವಾಷಿಂಗ್ಟನ್‌: ಭಾರತ ಹಾಗೂ ಪಾಕಿಸ್ತಾನ ಕದನ ವಿರಾಮ ಘೋಷಣೆಗೆ ಮಧ್ಯಸ್ಥಿಕೆ ವಹಿಸಿದ್ದಾಗಿ ಹೇಳಿಕೊಂಡಿರುವ ಅಮೆರಿಕ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌, ಇದೀಗ ಉಕ್ರೇನ್‌–ರಷ್ಯಾ ಸಂಘರ್ಷದ ಕುರಿತು ಮಾತನಾಡಿದ್ದಾರೆ.

ತಾವು ಹಾಗೂ ರಷ್ಯಾ ಅಧ್ಯಕ್ಷ ವ್ಲಾಡಿಮಿರ್‌ ಪುಟಿನ್ ಅವರು ಒಂದಾಗದಿದ್ದರೆ, ಉಕ್ರೇನ್‌ ಶಾಂತಿ ಮಾತುಕತೆ ವಿಚಾರದಲ್ಲಿ ಏನೂ ಆಗುವುದಿಲ್ಲ ಎಂದು ಹೇಳಿದ್ದಾರೆ.

ಮಧ್ಯಪ್ರಾಚ್ಯ ರಾಷ್ಟ್ರಗಳ ಪ್ರವಾಸ ಕೈಗೊಂಡಿರುವ ಟ್ರಂಪ್‌, ದುಬೈನಲ್ಲಿ ಇಳಿಯುವ ವೇಳೆ ಮಾಧ್ಯಮದವರೊಂದಿಗೆ ಮಾತನಾಡಿದ್ದಾರೆ. 'ಪುಟಿನ್‌ ಮತ್ತು ನಾನು ಒಟ್ಟಿಗೆ ಸೇರುವವರೆಗೂ ಏನೂ ಆಗಲ್ಲ' ಎಂದು ಅಭಿಪ್ರಾಯಪಟ್ಟಿದ್ದಾರೆ.

ಉಕ್ರೇನ್‌ ಹಾಗೂ ರಷ್ಯಾ ನಡುವಣ ಸಂಘರ್ಷದ ಕುರಿತು ಮಾತುಕತೆ ನಡೆಸುವ ಸಂಬಂಧ ಇಂದು (ಗುರುವಾರ) ಟರ್ಕಿಯಲ್ಲಿ ಟ್ರಂಪ್‌–ಪುಟಿನ್‌ ಸಭೆ ನಿಗದಿಯಾಗಿತ್ತು. ಆದರೆ, ಪುಟಿನ್‌ ಗೈರಾಗಿದ್ದಾರೆ. ಇದರಿಂದ ಶಾಂತಿ ಮಾತುಕತೆಯ ಸಾಧ್ಯತೆ ಕ್ಷೀಣಿಸಿದೆ.