ರಷ್ಯಾ–ಉಕ್ರೇನ್‌ ಮಧ್ಯೆ ಶೀಘ್ರ ಕದನ ವಿರಾಮ ಮಾತುಕತೆ: ಟ್ರಂಪ್‌

ವಾಷಿಂಗ್ಟನ್‌: ರಷ್ಯಾ ಮತ್ತು ಉಕ್ರೇನ್‌ ‘ಶೀಘ್ರವೇ’ ಕದನ ವಿರಾಮ ಮಾತುಕತೆ ಆರಂಭಿಸಲಿವೆ ಎಂದು ಅಮೆರಿಕ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ ಸೋಮವಾರ ಹೇಳಿದರು.

ಮೂರು ವರ್ಷಗಳಿಂದ ನಡೆಯುತ್ತಿರುವ ಕದನವನ್ನು ಅಂತ್ಯಗೊಳಿಸುವ ಸಂಬಂಧ ರಷ್ಯಾ ಮತ್ತು ಉಕ್ರೇನ್‌ನ ನಾಯಕರೊಂದಿಗೆ ಪ್ರತ್ಯೇಕವಾಗಿ ದೂರವಾಣಿ ಮೂಲಕ ಮಾತುಕತೆ ನಡೆಸಿದ ನಂತರ ಹೀಗೆ ಹೇಳಿದರು.

ಮಾತುಕತೆ ಎಂದಿನಿಂದ ಆರಂಭವಾಗಲಿದೆ ಅಥವಾ ಈ ಸಂದರ್ಭದಲ್ಲಿ ಯಾರು ಯಾರು ಭಾಗಿಯಾಗಲಿದ್ದಾರೆ ಎಂಬ ಬಗ್ಗೆ ತಕ್ಷಣಕ್ಕೆ ಮಾಹಿತಿ ಲಭ್ಯವಾಗಿಲ್ಲ.