75 ವರ್ಷಗಳ ಹಿಂದೆ: ‘ಸ್ವತಂತ್ರ ಭಾರತದ ಪ್ರಪ್ರಥಮ ಜನಗಣನೆಯ ಕೀರ್ತಿ ನಿಮ್ಮದು’

ನವದೆಹಲಿ, ಫೆ, 2– ಭಾರತದಲ್ಲಿ ಫೆಬ್ರವರಿ 9ರಿಂದ ಪ್ರಾರಂಭವಾಗುವ ಜನಗಣತಿ ಲೆಕ್ಕದ ಗಣತಿ ತೆಗೆದುಕೊಳ್ಳುವ 6 ಲಕ್ಷ ಮಂದಿಯನ್ನು ಕುರಿತು ಭಾರತದ ಗೃಹ ಸಚಿವ ರಾಜಾಜಿ ಸಂದೇಶ ಕೊಡುತ್ತಾ, ಈ ರಾಷ್ಟ್ರಾದ್ಯಂತ ಕಾರ್ಯಕ್ರಮದಲ್ಲಿ ತಮ್ಮ ಕಾಣಿಕೆಯ ಉತ್ತಮ ಸಾಧನೆ ಬಗ್ಗೆ ಹೆಮ್ಮೆಪಡಬೇಕಾದ ವಿಷಯವೆಂದು ತಿಳಿಸಿದರು.

ನವದೆಹಲಿ ಕೇಂದ್ರದಿಂದ ಮಾಡಿದ ರೇಡಿಯೋ ಪ್ರಸಾರ ಭಾಷಣದಲ್ಲಿ ಗೃಹಮಂತ್ರಿಗಳು, ‘ಪ್ರಿಯ ಸಹ ಕಾರ್ಯಕರ್ತರೇ, ಇದು ಸ್ವತಂತ್ರ ಭಾರತದ ಪ್ರಥಮ ಸೆನ್ಸಸ್ ಕಾರ್ಯಕ್ರಮ’ ಎಂದು ನುಡಿದರು.