75 ವರ್ಷಗಳ ಹಿಂದೆ: ಥಕ್ಕರ್ ಬಾಪಾ ನಿಧನ

ಭಾವನಗರ, ಜ. 19– ಪ್ರಖ್ಯಾತ ಸಮಾಜ ಸೇವಕ ಎ.ವಿ. ಥಕ್ಕರರು (ಥಕ್ಕರ್ ಬಾಪಾ) ಈ ದಿನ ರಾತ್ರಿ 8.20 ಗಂಟೆಗೆ ಇಲ್ಲಿ ನಿಧನರಾದರು. ಅವರ ಕೊನೆಯ ಗಳಿಗೆ ಶಾಂತಿಯುತವಾಗಿತ್ತು.

ಅಮೃತ್ ಲಾಲ್ ವಿ. ಥಕ್ಕರ್ ರವರು ಭಾವನಗರದಲ್ಲಿ 1869ರಲ್ಲಿ ಜನಿಸಿದರು. ಮೊದಲು ಇಂಜಿನಿಯರ್‌ ಆಗಿ ಅನೇಕ ಕಡೆ ಕೆಲಸ ಮಾಡಿದರು. ಬೊಂಬಾಯಿಯಲ್ಲಿ ಇಂಜಿನಿಯರಾಗಿದ್ದು, 1948ರಲ್ಲಿ ಆ ಹುದ್ದೆಗೆ ರಾಜೀನಾಮೆ ಇತ್ತರು. ಪೂನಾದ ಸರ್ವೆಂಟ್ಸ್‌ ಆಫ್ ಇಂಡಿಯಾ ಸೊಸೈಟಿಗೆ ಆಜೀವ ಸದಸ್ಯರಾಗಿ ಸೇರಿದರು.

ಆನಂತರ ಸಾಮಾಜಿಕ ಸೇವೆಯೇ ಅವರ ಜೀವನದ ಗುರಿಯಾಯಿತು. ಅಂದಿನಿಂದ ಹರಿಜನರು ಮತ್ತು ಹಿಂದುಳಿದವರ ಉದ್ಧಾರ ಕಾರ್ಯ ಆರಂಭಿಸಿ, ಭಿಲ್ಲರ ಸೇವಾಮಂಡಳವನ್ನು ಆರಂಭಿಸಿ ಭಾರತದಾದ್ಯಂತ ತಮ್ಮ ಕಾರ್ಯವನ್ನು ವಿಸ್ತರಿಸಿದರು.