ಐಪಿಎಲ್‌ ಹರಾಜು: ಕೋಟ್ಯಾಧಿಪತಿಗಳಾದ ಪಾನಿಪುರಿ ಹುಡುಗ, ಬಸ್ ಚಾಲಕನ ಮಗ
ಮುಂಬೈ:ನಗರದ ರಸ್ತೆಬದಿಯಲ್ಲಿ ಪಾನಿಪುರಿ ಮಾರಾಟ ಮಾಡಿ ಕ್ರಿಕೆಟ್ ಕಿಟ್‌ಗೆ ಹಣ ಹೊಂದಿಸಿಕೊಳ್ಳುತ್ತಿದ್ದ ಯಶಸ್ವಿ ಜೈಸ್ವಾಲ್ ಹಾಗೂ ಶಾಲಾವಾಹನ ಚಾಲನೆಮಾಡುತ್ತಿದ್ದ ಉತ್ತರ ಪ್ರದೇಶದ ನರೇಶ್‌ ಗರ್ಗ್ ಅವರ ಮಗ ಪ್ರಿಯಂ ಗರ್ಗ್ ಈಗ ಕೋಟ್ಯಾಧಿಪತಿಗಳಾಗಿದ್ದಾರೆ.
ಕೋಲ್ಕತ್ತದಲ್ಲಿ ಗುರುವಾರ ನಡೆದ ಐಪಿಎಲ್‌ 13ನೇ ಆವೃತ್ತಿಯ ಹರಾಜು ಪ್ರಕ್ರಿಯೆಯಿಂದ ಜೈಸ್ವಾಲ್ ಹಾಗೂ ಗರ್ಗ್ ಅದೃಷ್ಟ ಬದಲಾಗಿದೆ.
19 ವರ್ಷದೊಳಗಿನವರ ವಿಶ್ವಕಪ್‌ಗೆ ಭಾರತ ತಂಡದ ನಾಯಕರಾಗಿರುವ ಪ್ರಿಯಂ ಗರ್ಗ್ ಅವರನ್ನು ಸನ್‌ರೈಸರ್ಸ್‌ ಹೈದರಾಬಾದ್ ತಂಡವುಖರೀದಿಸಿದೆ.ಉತ್ತರ ಪ್ರದೇಶದ ಪರಿಕ್ಷಿತ್‌ಗರ್‌ನ ಗರ್ಗ್ ಅವರಿಗೆ₹ 50 ಲಕ್ಷ ನೀಡಿಮೂಲಬೆಲೆ ನಿಗದಿಯಾಗಿತ್ತು. ಆದರೆ, ಬಿಡ್‌ನಲ್ಲಿ ₹ 1.90 ಕೋಟಿ ನೀಡಲಾಗಿದೆ.
ಪ್ರಿಯಂ ತಂದೆ ನರೇಶ್‌ ಗರ್ಗ್ ಅವರುಶಾಲಾವಾಹನ ಚಾಲನೆ ಹಾಗೂ ಹಾಲು ಮಾರಾಟ ಮಾಡಿ ತಮ್ಮ ಪುತ್ರನಿಗೆ ಕ್ರಿಕೆಟ್ ತರಬೇತಿ ಕೊಡಿಸಿದ್ದರು.
ಗರ್ಗ್ ನಾಯಕತ್ವದ ವಿಶ್ವಕಪ್‌ ತಂಡದಲ್ಲಿ ಸ್ಥಾನ ಪಡೆದಿರುವಯಶಸ್ವಿ ಜೈಸ್ವಾಲ್ ಅವರು ರಾಜಸ್ಥಾನ್ ರಾಯಲ್ಸ್‌ ತಂಡದ ಪಾಲಾಗಿದ್ದಾರೆ.
ಈಚೆಗೆ ನಡೆದ ವಿಜಯ್‌ ಹಜಾರೆ ಟ್ರೋಫಿ ಟೂರ್ನಿಯಲ್ಲಿಯೂ ಸ್ಫೋಟಕ ಬ್ಯಾಟಿಂಗ್‌ ಮಾಡಿ ಗಮನ ಸೆಳೆದಿದ್ದ ಯಶಸ್ವಿಯನ್ನು ₹ 2.40 ಕೋಟಿಗೆ ಖರೀದಿಸಲಾಗಿದೆ.
ವಿವಿಧ ತಂಡಗಳಿಗೆ ಮಾರಾಟವಾದ ಆಟಗಾರರು (ಬೆಲೆ ಕೋಟಿಗಳಲ್ಲಿ)
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.