ಎರಡನೇ ಪಂದ್ಯದಲ್ಲಿ ಭಾರತಕ್ಕೆ ಏಳು ವಿಕೆಟ್‌ ಜಯ: ಟಿ20 ಸರಣಿ ಸಮಬಲ
ನ್ಯೂಜಿಲೆಂಡ್‌ ವಿರುದ್ಧ ಸರಣಿ
ಆಕ್ಲೆಂಡ್‌: ಎರಡನೇ ಟ್ವೆಂಟಿ–20 ಪಂದ್ಯದಲ್ಲಿನ್ಯೂಜಿಲೆಂಡ್‌ ತಂಡ ನೀಡಿದ್ದ 159ರನ್‌ಗಳ ಗುರಿಯನ್ನು ಕೇವಲ ಮೂರು ವಿಕೆಟ್‌ ಕಳೆದುಕೊಂಡು ತಲುಪಿದ ಭಾರತ, ಮೂರು ಪಂದ್ಯಗಳ ಸರಣಿಯಲ್ಲಿ 1–1ರ ಸಮಬಲ ಸಾಧಿಸಿತು.
ಟಾಸ್‌ ಗೆದ್ದು ಮೊದಲು ಬ್ಯಾಟಿಂಗ್‌ ಮಾಡಿದ್ದ ಕೇನ್‌ ವಿಲಿಯಮ್ಸನ್‌ ನೇತೃತ್ವದ ಆತಿಥೇಯ ತಂಡ ಅನುಭವಿ ರಾಸ್‌ ಟೇಲರ್‌(42) ಹಾಗೂ ಕಾಲಿನ್‌ ಡಿ ಗ್ರಾಂಡ್‌ಹೋಮ್‌(50) ಅವರ ಬ್ಯಾಟಿಂಗ್‌ ನೆರವಿನಿಂದ ನಿಗದಿತ 20 ಓವರ್‌ಗಳಲ್ಲಿ ಎಂಟು ವಿಕೆಟ್‌ ಕಳೆದುಕೊಂಡು 158 ರನ್‌ ಕಲೆ ಹಾಕಿತ್ತು.
ಈ ಮೊತ್ತ ಬೆನ್ನತ್ತಿದ ಭಾರತಕ್ಕೆ ನಾಯಕ ರೋಹಿತ್‌ ಶರ್ಮಾ(50) ಹಾಗೂ ಶಿಖರ್‌ ಧವನ್‌(30) ಉತ್ತಮ ಆರಂಭ ನೀಡಿದರು. ಈ ಜೋಡಿ ಮೊದಲ ವಿಕೆಟ್‌ಗೆ 9.2 ಓವರ್‌ಗಳಲ್ಲಿ 79ರನ್‌ ಕಲೆಹಾಕಿತು. 20 ರನ್‌ ಗಳಿಸಿದ ಮಹೇಂದ್ರ ಸಿಂಗ್‌ ದೋನಿ ಹಾಗೂ 40ರನ್‌ ಕಲೆ ಹಾಕಿದ ರಿಷಭ್‌ ಪಂತ್‌ 18.5ನೇ ಓವರ್‌ನಲ್ಲಿಜಯದ ಲೆಕ್ಕಾಚಾರ ಪೂರ್ಣಗೊಳಿಸಿದರು.
ನಾಲ್ಕು ಓವರ್‌ಗಳಲ್ಲಿ 28ರನ್‌ ನೀಡಿ ಪ್ರಮುಖಮೂರು ವಿಕೆಟ್‌ ಉರುಳಿಸಿದ ಕೃಣಾಲ್‌ ಪಾಂಡ್ಯ ಪಂದ್ಯ ಶ್ರೇಷ್ಠ ಎನಿಸಿದರು.
ಸದ್ಯ ಉಭಯ ತಂಡಗಳು ತಲಾ ಒಂದು ಪಂದ್ಯ ಗೆದ್ದುಕೊಂಡಿದ್ದು, ಫೆಬ್ರುವರಿ 10ರಂದುಸೆಡನ್‌ ಪಾರ್ಕ್‌ ಮೈದಾನದಲ್ಲಿ ನಡೆಯಲಿರುವ ಮೂರನೇ ಪಂದ್ಯದ ಮೇಲೆ ಕಣ್ಣಿಟ್ಟಿವೆ.
ಸ್ಕೋರ್‌ ವಿವರ
ನ್ಯೂಜಿಲೆಂಡ್‌: 20ಓವರ್‌ಗಳಲ್ಲಿ 8ವಿಕೆಟ್‌ಗೆ 158
ಭಾರತ: 20ಓವರ್‌ಗಳಲ್ಲಿ 3ವಿಕೆಟ್‌ಗೆ 162
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.