ಗೋವಾ ತಂಡಕ್ಕೆ ಮಣಿದ ಎಟಿಕೆ

ಮಡಗಾಂವ್‌: ಆಕ್ರಮಣದ ಆಟಕ್ಕೆ ಹೆಸರಾದ ಎರಡು ತಂಡಗಳ ನಡುವೆ ನಡೆದ ಐಎಸ್‌ಎಲ್‌ ಫುಟ್‌ಬಾಲ್‌ ಟೂರ್ನಿಯ ಸೆಣಸಾಟದಲ್ಲಿ ಆತಿಥೇಯ ಗೋವಾ ತಂಡ 2–1 ಗೋಲುಗಳಿಂದ ಎಟಿಕೆ ತಂಡವನ್ನು ಸೋಲಿಸಿತು.

ಈ ಪಂದ್ಯವನ್ನು ಗೆಲ್ಲುವ ಮೂಲಕ ಗೋವಾ 15 ಅಂಕಗಳೊಡನೆ ಲೀಗ್‌ನಲ್ಲಿ ಮೊದಲ ಸ್ಥಾನಕ್ಕೆ ಏರಿತು. ಅಗ್ರಸ್ಥಾನದಲ್ಲಿದ್ದ ಎಟಿಕೆ (14 ಅಂಕ) ಎರಡನೇ ಸ್ಥಾನಕ್ಕೆ ಇಳಿಯಿತು. ಮೂರೂ ಗೋಲುಗಳು ಉತ್ತರಾರ್ಧದಲ್ಲಿ ಬಂದವು. ಆತಿಥೇಯ ತಂಡವೇ ಹೆಚ್ಚಿನ ಅವಧಿಯಲ್ಲಿ ಮೇಲುಗೈ ಸಾಧಿಸಿತ್ತು.

60ನೇ ನಿಮಿಷ ಮೊರ್ತಡಾ ಗೋವಾ ತಂಡಕ್ಕೆ ಮುನ್ನಡೆ ಒದಗಿಸಿದರು. ನಾಲ್ಕು ನಿಮಿಷಗಳ ನಂತರ, ಜಾಬಿ ಜಸ್ಟಿನ್‌ ಎಟಿಕೆ ತಂಡದ ಪರ ಗೋಲು ಹೊಡೆ ದರು. ಮರು ನಿಮಿಷವೇ ಗೋವಾ ತಂಡ ಫೆರಾನ್‌ ಕೊರೊಮಿನಾಸ್‌ ಮೂಲಕ ನಿರ್ಣಾಯಕ ಗೋಲು ಗಳಿಸಿತು.