ಪ್ಯಾರಿಸ್: ಭಾರತದ ಸೈನಾ ನೆಹ್ವಾಲ್ ಅವರು ಇಲ್ಲಿ ನಡೆಯತ್ತಿರುವ ಫ್ರೆಂಚ್ ಓಪನ್ ಬ್ಯಾಡ್ಮಿಂಟನ್ ಟೂರ್ನಿಯ ಮಹಿಳೆಯರ ಸಿಂಗಲ್ಸ್ ಕ್ವಾರ್ಟರ್ಫೈನಲ್ ಪ್ರವೇಶಿಸಿದ್ದಾರೆ.
ಗುರುವಾರ ನಡೆದ ಪ್ರಿ ಕ್ವಾರ್ಟರ್ಫೈನಲ್ನಲ್ಲಿ ಸೈನಾ 21–10, 21–11ರ ನೇರ ಗೇಮ್ಗಳಲ್ಲಿ ಡೆನ್ಮಾರ್ಕ್ನ ಹಾಜ್ಮಾರ್ಕ್ ಕೇರಸ್ ಫೀಟ್ ವಿರುದ್ಧ ಜಯಿಸಿದರು. 27 ನಿಮಿಷಗಳ ಹೋರಾಟದಲ್ಲಿ ಸೈನಾ ಏಕಪಕ್ಷೀಯ ಗೆಲುವು ಸಾಧಿಸಿದರು. ಚುರುಕಾದ ರ್ಯಾಲಿ ಮತ್ತು ಶಕ್ತಿಶಾಲಿ ಸ್ಮ್ಯಾಷ್ಗಳನ್ನು ಹೊಡೆದ ಸೈನಾ ಪಾರಮ್ಯ ಮೆರೆದರು.
ಟೂರ್ನಿಯ ಮೊದಲ ಸುತ್ತಿನಲ್ಲಿ ಸೈನಾ 23–21, 21–17ರಿಂದ ಹಾಂಗ್ಕಾಂಗ್ನ ಚೆಯಾಂಗ್ ಎಂಗಾನ್ ಯೀ ವಿರುದ್ಧ ಜಯಿಸಿದರು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.