ಹಾಕಿ ಟೂರ್ನಿ: ಭಾರತ ಜೂನಿಯರ್ ಮಹಿಳಾ ತಂಡಕ್ಕೆ ಜಯ

ಕೆನ್‌ಬೆರಾ (ಆಸ್ಟ್ರೇಲಿಯಾ): ಇಶಿಕಾ ಗಳಿಸಿದ ಅವಳಿ ಗೋಲುಗಳ ನೆರವಿನಿಂದ ಭಾರತ ಜೂನಿಯರ್ ಮಹಿಳಾ ತಂಡ, ಆಸ್ಟ್ರೇಲಿಯಾ ಪ್ರವಾಸದಲ್ಲಿ ಮಂಗಳವಾರ ಕೆನ್‌ಬೆರಾ ಚಿಲ್ ತಂಡವನ್ನು 3–1 ಗೋಲುಗಳಿಂದ ಸೋಲಿಸಿತು.

ಇದು ಪ್ರವಾಸದಲ್ಲಿ ಭಾರತಕ್ಕೆ ಎರಡನೇ ಜಯ. ಎರಡು ಪಂದ್ಯಗಳನ್ನು ಸೋತಿರುವ ಭಾರತ ಪ್ರವಾದ ಅಂತಿಮ ಪಂದ್ಯವನ್ನು ಇದೇ ತಂಡದ ವಿರುದ್ಧ ಗುರುವಾರ ಆಡಲಿದೆ.

ಇಶಿಕಾ ಪಂದ್ಯದ 13 ಮತ್ತು 39ನೇ ನಿಮಿಷ ಗೋಲು ಗಳಿಸಿದರು. ಸೋನಮ್ 27ನೇ ನಿಮಿಷ ಗೋಲು ಗಳಿಸಿದರು. 11ನೇ ನಿಮಿಷ ಗೋಲುಬಿಟ್ಟ ನಂತರ ಭಾರತದ ವನಿತೆಯರು ಪಂದ್ಯದ ಮೇಲೆ ನಿಯಂತ್ರಣ ಸಾಧಿಸಿದರು.

ಕೆನ್‌ಬೆರಾ ತಂಡಕ್ಕೆ ನೊವೊಮಿ ಇವಾನ್ಸ್ ಪೆನಾಲ್ಟಿ ಕಾರ್ನರ್ ಮೂಲಕ ಗೋಲು ಗಳಿಸಿದರು.