ಇಂಡಿಯನ್ ಗಾಲ್ಫ್ ಯೂನಿಯನ್‌ಗೆ ಐಎಒ ಮಾನ್ಯತೆ

ನವದೆಹಲಿ: ಹರೀಶ್ ಕುಮಾರ್ ರೆಡ್ಡಿ ನೇತೃತ್ವದ ಇಂಡಿಯನ್ ಗಾಲ್ಫ್ ಯೂನಿಯನ್‌ಗೆ (ಐಜಿಯು) ಭಾರತ ಒಲಿಂಪಿಕ್ ಸಂಸ್ಥೆ ​​(ಐಒಎ) ಮಾನ್ಯತೆ ನೀಡಿದೆ. ಆದರೆ, ಬ್ರಿಜಿಂದರ್ ಸಿಂಗ್ ನೇತೃತ್ವದ ಸಮಿತಿಯನ್ನು ಅನೂರ್ಜಿತ ಎಂದು ಘೋಷಿಸಿದೆ.

ಇಂಡಿಯನ್ ಗಾಲ್ಫ್ ಯೂನಿಯನ್‌ಗೆ ಮಾನ್ಯತೆ ನೀಡುವ ಮೊದಲು ಒಲಿಂಪಿಕ್ ಸಂಸ್ಥೆಯು ಅದರ ಕಾರ್ಯವಿಧಾನವನ್ನು ಪರಿಶೀಲಿಸಿದೆ ಎಂದು ಐಒಎ ಅಧ್ಯಕ್ಷೆ ಪಿ.ಟಿ. ಉಷಾ ಸಹಿ ಮಾಡಿದ ಪತ್ರದಲ್ಲಿ ಉಲ್ಲೇಖಿಸಲಾಗಿದೆ.

ಎರಡೂ ಸಂಸ್ಥೆಗಳ ಮಹಾಸಭೆ ಡಿ.15ರಂದು ನಡೆದು, ಹೊಸ ಪದಾಧಿಕಾರಿಗಳ ಆಯ್ಕೆ ನಡೆದಿತ್ತು. ಇಂಡಿಯಾ ಹಾಬಿಟಾಟ್‌ ಸೆಂಟರ್‌ನಲ್ಲಿ ನಡೆದ ಸಭೆಯಲ್ಲಿ ಬ್ರಿಜೇಂದರ್‌ ಸಿಂಗ್‌ ಪುನರಾಯ್ಕೆಯಾಗಿದ್ದರು. ಒಲಿಂಪಿಕ್‌ ಭವನದಲ್ಲಿ ನಡೆದ ಸಭೆಯಲ್ಲಿ ಹರೀಶ್ ಕುಮಾರ್ ಆಯ್ಕೆಯಾಗಿದ್ದರು.