ಥ್ರೋಬಾಲ್‌: ಮೈಸೂರು ತಂಡಗಳು ಚಾಂಪಿಯನ್‌

ಬೆಂಗಳೂರು: ಮೈಸೂರಿನ ಬಾಲಕರ ಮತ್ತು ಬಾಲಕಿಯರ ತಂಡಗಳು ಈಚೆಗೆ ನಡೆದ ರಾಜ್ಯಮಟ್ಟದ ಜೂನಿಯರ್‌ ಥ್ರೋಬಾಲ್ ಚಾಂಪಿಯನ್‌ ಷಿಪ್‌ನಲ್ಲಿ ಪ್ರಶಸ್ತಿ ಗೆದ್ದುಕೊಂಡವು.

ಕರ್ನಾಟಕ ಅಮೆಚೂರ್ ಥ್ರೋಬಾಲ್ ಸಂಸ್ಥೆಯ ಆಶ್ರಯದಲ್ಲಿ ಬೆಂಗಳೂರಿನ ಕ್ಯಾಥೆಡ್ರಲ್ ಕಾಲೇಜ್ ಮೈದಾನದಲ್ಲಿ ನಡೆದ  ಬಾಲಕರ ಫೈನಲ್‌ನಲ್ಲಿ ಮೈಸೂರು ತಂಡವು 25-15, 25-09 (2-0) ರಿಂದ ಬೆಂಗಳೂರು ಅನ್‌ಪ್ರಿಡಿಕ್ಟೆಬಲ್‌ ತಂಡವನ್ನು ಮಣಿಸಿತು. ಬಾಲಕಿಯರ ಫೈನಲ್‌ನಲ್ಲಿ ಮೈಸೂರು ತಂಡವು 25-19, 25-16 (2-0)ರಿಂದ ಬಿಎಂಎಸ್‌ ಕಾಲೇಜು ತಂಡವನ್ನು ಸೋಲಿಸಿತು.