ಒಲಿಂಪಿಕ್ಸ್: ಜಪಾನ್‌ನಲ್ಲಿ ಉಗಾಂಡ ವೇಟ್‌ಲಿಫ್ಟರ್‌ ನಾಪತ್ತೆ
Published 16 ಜುಲೈ 2021, 13:12 IST
ವೇಟ್‌ಲಿಫ್ಟಿಂಗ್‌– ಪ್ರಾತಿನಿಧಿಕ ಚಿತ್ರ
ಟೋಕಿಯೊ: ಕ್ರೀಡಾಕೂಟದಲ್ಲಿ ಸ್ಪರ್ಧಿಸಲು ಸಾಧ್ಯವಾಗುವುದಿಲ್ಲ ಎಂದು ತಿಳಿದ ಉಗಾಂಡದ ವೇಟ್‌ಲಿಫ್ಟರ್‌ ಒಬ್ಬರುಜಪಾನ್‌ನ ಒಲಿಂಪಿಕ್ಸ್ ತರಬೇತಿ ಶಿಬಿರದಿಂದ ಶುಕ್ರವಾರ ನಾಪತ್ತೆಯಾಗಿದ್ದಾರೆ. ಜಪಾನ್ ಮತ್ತು ಉಗಾಂಡದ ಅಧಿಕಾರಿಗಳು ಈ ಮಾಹಿತಿ ನೀಡಿದ್ದಾರೆ.
ನಾಪತ್ತೆಯಾಗಿರುವ ವೇಟ್‌ಲಿಫ್ಟರ್‌, 20 ವರ್ಷದ ಜೂಲಿಯಸ್‌ ಸೆಕಿಟೊಲೆಕೊ ಅವರಿಗಾಗಿ ಅಧಿಕಾರಿಗಳು ಶೋಧ ಕಾರ್ಯ ನಡೆಸಿದ್ದಾರೆ.
ಇಜುಮಿಸಾನೊದ ಹೊಟೇಲ್‌ನಲ್ಲಿ ತಂಗಿದ್ದ ಸೆಕಿಟೊಲೆಕೊ, ಕೊರೊನಾ ವೈರಸ್ ಪರೀಕ್ಷೆಗೆ ಹಾಜರಾಗಲು ವಿಫಲರಾಗಿದ್ದರು. ಕೋಟಾ ಪದ್ಧತಿಯ ಕಾರಣ ತಾನು ಕ್ರೀಡಾಕೂಟಲ್ಲಿ ಪಾಲ್ಗೊಳ್ಳಲು ಸಾಧ್ಯವಾಗುತ್ತಿಲ್ಲ ಎಂಬುದನ್ನು ಆತ ತಿಳಿದಿದ್ದ ಎಂದು ಅಧಿಕಾರಿಗಳು ಹೇಳಿದ್ದಾರೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.