ಬೆಂಗಳೂರು: ಹ್ಯಾಕರ್ಗಳು 2020ರಲ್ಲಿ ಫೇಸ್ಬುಕ್ ಸರ್ವರ್ ಹ್ಯಾಕ್ ಮಾಡುವ ಕೋಟ್ಯಂತರ ಬಳಕೆದಾರರ ಮೊಬೈಲ್ ಸಂಖ್ಯೆಗಳು ಹಾಗೂ ಫೇಸ್ಬುಕ್ ಐಡಿಗಳನ್ನು ತಡಕಾಡಿ, ಟೆಲಿಗ್ರಾಂನಲ್ಲಿ ಸೋರಿಕೆ ಮಾಡಿದ್ದಾರೆ.
ಸೈಬರ್ಸೆಕ್ಯುರಿಟಿ ತಜ್ಞರೊಬ್ಬರು ಫೇಸ್ಬುಕ್ನ ಬಳಕೆದಾರರ ದತ್ತಾಂಶ ಹ್ಯಾಕ್ ಆಗಿರುವ ಬಗ್ಗೆ ಟ್ವೀಟ್ ಮಾಡಿದ್ದಾರೆ. ಸುಮಾರು 53 ಕೋಟಿ ಬಳಕೆದಾರರ ಸಂಪರ್ಕ ಸಂಖ್ಯೆಗಳು ಮಾರಾಟಕ್ಕಿರುವುದಾಗಿ ಬಹಿರಂಗ ಪಡಿಸಿದ್ದಾರೆ. ಹ್ಯಾಕರ್ ಟೆಲಿಗ್ರಾಂ ಆ್ಯಪ್ನಲ್ಲಿ ಬೋಟ್ ಸೃಷಿಸುವ ಮೂಲಕ ಬಳಕೆದಾರರ ಮಾಹಿತಿಯನ್ನು ಮಾರಾಟ ಮಾಡುತ್ತಿದ್ದು, ಪ್ರತಿ ಸಂಪರ್ಕ ಸಂಖ್ಯೆಗೆ 20 ಡಾಲರ್ಗೆ (₹1,458) ಮಾರಾಟ ಮಾಡಲಾಗುತ್ತಿರುವುದಾಗಿ ವರದಿಯಾಗಿದೆ.
ಅಮೆರಿಕ (3.2 ಕೋಟಿ), ಭಾರತ (60 ಲಕ್ಷಕ್ಕೂ ಹೆಚ್ಚು) ಸೇರಿದಂತೆ 100ಕ್ಕೂ ಹೆಚ್ಚು ರಾಷ್ಟ್ರಗಳಲ್ಲಿನ ಬಳಕೆದಾರರ ಮಾಹಿತಿ ಅಪಾಯದ ಹಂತದಲ್ಲಿದೆ. ಈವರೆಗೂ ಟೆಲಿಗ್ರಾಂ ಮತ್ತು ಫೇಸ್ಬುಕ್ ಈ ಬಗ್ಗೆ ಪ್ರತಿಕ್ರಿಯೆ ನೀಡಿಲ್ಲ.
ತೆರಿಗೆ ಅಧಿಕಾರಿಗಳು ಅಥವಾ ಬ್ಯಾಂಕ್ನಿಂದ ಕರೆ ಮಾಡುತ್ತಿರುವುದಾಗಿ ಅನಾಮಿಕರಿಂದ ಕರೆಗಳು ಬಂದಾಗ ಬಳಕೆದಾರರು ಎಚ್ಚರವಹಿಸಬೇಕಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.