450 ಕಿ.ಮೀ ಸ್ಕೇಟಿಂಗ್; ವಿಭಿನ್ನ ರೀತಿಯಲ್ಲಿ ರಾಮದರ್ಶನ ಪಡೆದ 9 ವರ್ಷದ ಬಾಲಕಿ

ದೇವಾಲಯಗಳಿಗೆ ಪಾದಯಾತ್ರೆ ಮೂಲಕ ಹೋಗುವುದು ಸಾಮಾನ್ಯವಾಗಿದೆ. 9 ವರ್ಷದ ಬಾಲಕಿ ಸ್ಕೇಟಿಂಗ್ ಮಾಡಿಕೊಂಡು ಫಿರೋಜಾಬಾದ್​​ನಿಂದ ಆಯೋಧ್ಯೆಯನ್ನು ತಲುಪಿ ರಾಮನ ದರ್ಶನವನ್ನು ಪಡೆದಿದ್ದಾರೆ.

9 ವರ್ಷದ ವಂಶಿಕಾ ಭಗವಾನ್ ಕೊರೆಯುವ ಚಳಿಯಲ್ಲಿ ಸ್ಕೇಟಿಂಗ್ ಮಾಡಿಕೊಂಡು 450 ಕಿ.ಮೀ ಪ್ರಯಾಣಿಸಿ ರಾಮ ಲಲ್ಲಾನ ದರ್ಶನ ಪಡೆದಿರುವ ವಿಡಿಯೊ ಸಾಮಾಜಿಕ ಮಾಧ್ಯಮದಲ್ಲಿ ವ್ಯಾಪಕವಾಗಿ ಹರಿದಾಡುತ್ತಿದೆ. 

ಫಿರೋಜಾಬಾದ್​​ನ ವಂಶಿಕಾ ಭಗವಾನ್ ಅವರು ಈ ಸಾಧನೆಯನ್ನು ಮಾಡಿದ್ದಾರೆ. ರಾಮನ ಮೇಲಿನ ಭಕ್ತಿಯಿಂದ 450 ಕಿ.ಮೀ ದೂರದಲ್ಲಿದ್ದ ರಾಮಮಂದಿರಕ್ಕೆ 5 ದಿನಗಳಲ್ಲಿ ತಲುಪಿದ್ದಾರೆ. ಬಾಲಕಿಯ ಭಕ್ತಿಗೆ ಎಲ್ಲೆಡೆ ಮೆಚ್ಚುಗೆ ವ್ಯಕ್ತವಾಗುತ್ತಿದೆ. 

ಜನವರಿ 3ರಂದು ಫಿರೋಜಾಬಾದ್‌ನಿಂದ ತಮ್ಮ ಪ್ರಯಾಣವನ್ನು ವಂಶಿಕಾ ಭಗವಾನ್ ಆರಂಭಿಸಿದರು. 5 ದಿನಗಳ ಬಳಿಕ ಆಯೋಧ್ಯೆಗೆ ತಲುಪಿದ್ದಾರೆ. ವಂಶಿಕಾ ಸ್ಕೇಟಿಂಗ್ ಮಾಡುತ್ತಿದ್ದಾಗ ಆಕೆಯ ಪ್ರಯಾಣಕ್ಕೆ ಅಡ್ಡಿಯಾಗದಂತೆ ನೋಡಿಕೊಳ್ಳಲು ಆಕೆಯ ತಂದೆ ಮತ್ತು ಚಿಕ್ಕಪ್ಪ ಕಾರಿನಲ್ಲಿ ಆಕೆಯನ್ನು ಹಿಂಬಾಲಿಸಿದ್ದಾರೆ. ಕೊನೆಗೂ ಗುರಿ ಮುಟ್ಟಿ ಬಾಲರಾಮನ ದರ್ಶನ ಪಡೆದಿದ್ದಾಳೆ.