ಸ್ಮಾರ್ಟ್ ಟಿವಿಗಳಲ್ಲೂ ಬರುತ್ತಿದೆ ಯೂಟ್ಯೂಬ್ ಶಾರ್ಟ್ಸ್
ಯೂಟ್ಯೂಬ್ ಕಿರು ವಿಡಿಯೊ ಶಾರ್ಟ್ಸ್ ಈಗ ಸ್ಮಾರ್ಟ್ ಟಿವಿಯಲ್ಲಿ ಲಭ್ಯ
Published 10 ನವೆಂಬರ್ 2022, 7:19 IST
ಬೆಂಗಳೂರು: ದೇಶದಲ್ಲಿ ಟಿಕ್‌ಟಾಕ್‌ಗೆ ನಿರ್ಬಂಧ ವಿಧಿಸಿದ ಬಳಿಕ ಕಿರು ವಿಡಿಯೊ ಆ್ಯಪ್‌ಗಳಿಗೆ ಹೆಚ್ಚಿನ ಬೇಡಿಕೆ ಬಂದಿದೆ. ಗೂಗಲ್ ಒಡೆತನದ ಶಾರ್ಟ್ಸ್ ಹೆಚ್ಚಿನ ಬಳಕೆದಾರರನ್ನು ಸೆಳೆಯುವಲ್ಲಿ ಯಶಸ್ವಿಯಾಗಿದೆ.
ನೂತನ ಅಪ್‌ಡೇಟ್‌ನಲ್ಲಿ ಯೂಟ್ಯೂಬ್ ಶಾರ್ಟ್ಸ್ ವಿಡಿಯೊಗಳು ಸ್ಮಾರ್ಟ್ ಟಿವಿಯಲ್ಲೂ ದೊರೆಯುತ್ತಿದೆ. ಅದರ ಮೂಲಕ ದೊಡ್ಡ ಪರದೆಯಲ್ಲಿ ಶಾರ್ಟ್ಸ್ ವಿಡಿಯೊ ವೀಕ್ಷಿಸಲು ಅನುಕೂಲವಾಗಲಿದೆ.
ಯೂಟ್ಯೂಬ್ ಶಾರ್ಟ್ಸ್ ಹೆಚ್ಚಿನ ಸಂಖ್ಯೆಯ ಕ್ರಿಯೇಟರ್‌ಗಳನ್ನು ಸೆಳೆಯುವ ಸಲುವಾಗಿ ಜಾಹೀರಾತು ಆದಾಯದಲ್ಲಿ ವಿಡಿಯೊ ರಚನೆಕಾರರಿಗೆ ಶೇ 45ರಷ್ಟು ಆದಾಯದ ಪಾಲು ನೀಡುತ್ತಿದೆ.
ಹೊಸ ಅಪ್‌ಡೇಟ್‌ನಲ್ಲಿ ಸ್ಮಾರ್ಟ್ ಟಿವಿಯಲ್ಲೂ ಲಭ್ಯವಾಗುವ ಜತೆಗೆ, ಬಳಕೆದಾರರು ವಿಡಿಯೊ ಸರ್ಚ್ ಮಾಡಲು, ಲೈಕ್, ಕಾಮೆಂಟ್ ಮಾಡಲು ಹಾಗೂ ಚಂದಾದಾರರಾಗಲು ಅವಕಾಶವಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.