ಜಾರ್ಖಂಡ್‌ನ ನಡು ರಸ್ತೆಯಲ್ಲಿ ಪತ್ತೆಯಾಗಿದ್ದೇನು? ಏಲಿಯನ್ ಅಥವಾ ಭೂತ?

ರಾಂಚಿ: ಜಾರ್ಖಂಡ್‌ನ ನಡು ರಸ್ತೆಯೊಂದರಲ್ಲಿ ವಿಚಿತ್ರ ಜೀವಿಯೊಂದು ಪತ್ತೆಯಾಗಿದ್ದು, ನೆಟ್ಟಿಗರನ್ನು ಅಚ್ಚರಿಗೊಳಿಸಿದೆ. ಇದರಿಂದ ವಿಚಲಿತಗೊಂಡಿರುವ ನಿರ್ಮಾಪಕಿ ಏಕ್ತಾ ಕಪೂರ್ ಸಹ ವಿಡಿಯೊ ಹಂಚಿಕೊಂಡಿದ್ದಾರೆ.

ಸಾಮಾಜಿಕ ಜಾಲತಾಣಗಳಲ್ಲಿ ಈ ವಿಡಿಯೊ ತುಣುಕು ವೈರಲ್ ಆಗಿದೆ. ಮಧ್ಯೆ ರಾತ್ರಿಯಲ್ಲಿ ರಸ್ತೆ ಮಧ್ಯೆ ಏಲಿಯನ್‌ ಸಾದೃಶ್ಯ ಜೀವಿಯೊಂದು ಪತ್ತೆಯಾಗಿದೆ.

ಇದನ್ನೂ ಓದಿ:ಗಜರಾಜನ ದಾರಿಯಲ್ಲಿ ಅಡ್ಡವಾಗಿ ಮಲಗಿದ್ದ ಕಾಡಿನ ರಾಜ; ಮುಂದೇನಾಯ್ತು ನೋಡಿ..!

30 ಸೆಕೆಂಡುಗಳ ಈ ವಿಡಿಯೊ ಎಲ್ಲರ ಕುತೂಹಲಕ್ಕೆ ಕಾರಣವಾಗಿದೆ. ಜಾರ್ಖಂಡ್‌ನ ಹಜರಿಭಾಗ್‌ನ ಚಡ್ವಾ ಡ್ಯಾಮ್ ಸೇತುವೆ ಸಮೀಪದಲ್ಲಿ ಶನಿವಾರ ಕಂಡುಬಂದ ದೃಶ್ಯವನ್ನು ಸೆರೆಹಿಡಿಯಲಾಗಿದೆ.

ಹೆದ್ದಾರಿ ಮಧ್ಯೆ ಪ್ರತ್ಯಕ್ಷವಾಗಿದ್ದ ಈ ಜೀವಿಯನ್ನು ಹಲವಾರು ವಾಹನ ಸವಾರರು ವೀಕ್ಷಿಸುತ್ತಾರೆ. ಆದರೆ ಭಯದಿಂದಾಗಿ ಯಾರೂ ಕೂಡಾ ಹತ್ತಿರ ಹೋಗುವ ಗೋಜಿಗೆ ಹೋಗುವುದಿಲ್ಲ.