ಬೆಂಗಳೂರು: ರಷ್ಯಾ ಪಡೆಗಳ ಗುಂಡಿನ ದಾಳಿಯಿಂದ ಉಕ್ರೇನ್ ಯೋಧರೊಬ್ಬರನ್ನು ಮೊಬೈಲ್ ಫೋನ್ ಒಂದು ಕಾಪಾಡಿದೆ.
ಈ ಕುರಿತ ವಿಡಿಯೊ ಒಂದು ಸಾಮಾಜಿಕ ತಾಣಗಳಲ್ಲಿ ವೈರಲ್ ಆಗಿದೆ.
ಯುದ್ಧಪೀಡಿತ ಉಕ್ರೇನ್ನಲ್ಲಿ ಯೋಧನ ಮೇಲೆ ರಷ್ಯಾ ಪಡೆಗಳು ಗುಂಡಿನ ದಾಳಿ ನಡೆಸಿದ್ದವು. ಈ ಸಂದರ್ಭದಲ್ಲಿ 7.62mm ಗುಂಡು ಯೋಧನಲ್ಲಿದ್ದ ಮೊಬೈಲ್ ಫೋನ್ಗೆ ಬಡಿದಿದೆ.
ಅಲ್ಲದೆ, ಮೊಬೈಲ್ಗೆ ತಾಗಿದ ಬುಲೆಟ್, ಅದರಲ್ಲೇ ಸಿಲುಕಿಕೊಂಡಿದೆ. ಇದರಿಂದಾಗಿ ಯೋಧನ ದೇಹ ಹೊಕ್ಕದೆ ಬುಲೆಟ್ ಹೊರಗಡೆ ಉಳಿದಿದ್ದು, ಜೀವಕ್ಕೆ ಯಾವುದೇ ಅಪಾಯವಾಗಿಲ್ಲ. ಈ ಬಗ್ಗೆ ಯೋಧ ‘ಮೊಬೈಲ್ ಫೋನ್ ನನ್ನ ಜೀವ ಕಾಪಾಡಿದೆ ಎಂದು ಹೇಳುತ್ತಿರುವ ವಿಡಿಯೊ’ ಇಂಟರ್ನೆಟ್ನಲ್ಲಿ ವೈರಲ್ ಆಗಿದೆ.
ರಷ್ಯಾ ಪಡೆಗಳು ಉಕ್ರೇನ್ ಮೇಲೆ ಫೆಬ್ರುವರಿ 24ರಿಂದ ನಿರಂತರ ದಾಳಿ ನಡೆಸುತ್ತಿವೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.