Video: ಸರ್ಕಾರಿ ಶಾಲೆ ವಿದ್ಯಾರ್ಥಿಗಳಿಗಾಗಿ ಚಾಲಕಿಯಾದ ಶಿಕ್ಷಕಿ ಜಲಜಾಕ್ಷಿ!

ದಕ್ಷಿಣ ಕನ್ನಡ ಜಿಲ್ಲೆಯ ಸುಳ್ಯ ತಾಲ್ಲೂಕು ಕೇಂದ್ರದಿಂದ 12 ಕಿ.ಮೀ. ಅಂತರದಲ್ಲಿ ಕೇರಳದ ಗಡಿಯಲ್ಲಿರುವ ಗ್ರಾಮ ಕೋಲ್ಚಾರು. ಇಲ್ಲಿ ದಕ್ಷಿಣ ಕನ್ನಡ ಜಿಲ್ಲಾ ಪಂಚಾಯಿತಿ ಸರ್ಕಾರಿ ಉನ್ನತೀಕರಿಸಿದ ಹಿರಿಯ ಪ್ರಾಥಮಿಕ ಶಾಲೆ 6.20 ಎಕರೆ ಜಾಗದಲ್ಲಿ ಹರಡಿಕೊಂಡಿದೆ. ಈ ಶಾಲೆಯ ಶಿಕ್ಷಕಿ ಜಲಜಾಕ್ಷಿ ಕೆ.ಡಿ..

ಸಕಲ ಸೌಕರ್ಯಗಳನ್ನು ಹೊಂದಿ ಖಾಸಗಿ ಶಾಲೆಗಳನ್ನು ಮೀರಿಸುವಂತಿರುವ ಈ ಸರ್ಕಾರಿ ಸ್ಕೂಲ್‌ಗೆ ಸುಳ್ಯದಿಂದ ಬರಲು ಸರಿಯಾದ ಸಮಯಕ್ಕೆ ಬಸ್‌ ವ್ಯವಸ್ಥೆ ಇರಲಿಲ್ಲ. ಶಾಲೆಯಿಂದಲೇ ವಾಹನ ಸೌಲಭ್ಯ ಕಲ್ಪಿಸುವ ಯೋಜನೆ ಹಾಕಿಕೊಂಡಾಗ, ಈ ವ್ಯಾನ್‌ ಓಡಿಸಲು ಮುಂದೆ ಬಂದವರು ಜಲಜಾಕ್ಷಿ ಟೀಚರ್.

ಈಗ, ಈ ಶಾಲೆಯಲ್ಲಿ ವಿದ್ಯಾರ್ಥಿಗಳ ಸಂಖ್ಯೆ ಹೆಚ್ಚುತ್ತಿದ್ದು, ವ್ಯಾನ್‌ನಲ್ಲಿ ಬರುವ ಮಕ್ಕಳೂ ಸಂತಸಗೊಂಡಿದ್ದಾರೆ. ಜಲಜಾಕ್ಷಿಯವರ ಸ್ಫೂರ್ತಿದಾಯಕ ಕಥನ ಈ ವಿಡಿಯೊದಲ್ಲಿ.