ಲಾರ್ಜ್ಕ್ಯಾಪ್ ಫಂಡ್‌: 2020ರಲ್ಲಿ ತಗ್ಗಿದ ಗಳಿಕೆ
ಮುಂಬೈ: 2020ರಲ್ಲಿ ಭಾರತದಲ್ಲಿನ ಶೇಕಡ 80ರಷ್ಟು ಲಾರ್ಜ್ಕ್ಯಾಪ್ ಮ್ಯೂಚುವಲ್‌ ಫಂಡ್‌ಗಳು ಬೆಂಚ್‌ಮಾರ್ಕ್‌ ಸೂಚ್ಯಂಕಗಳಿಗೆ ಹೋಲಿಸಿದರೆ ಕಡಿಮೆ ಲಾಭ ತಂದುಕೊಟ್ಟಿವೆ ಎಂದು ಎಸ್‌ಆ್ಯಂಡ್‌ಪಿ ಇಂಡಿಸಿಸ್‌ ವರ್ಸಸ್‌ ಆ್ಯಕ್ಟಿವ್ (ಎಸ್‌ಪಿಐವಿಎ) ಹೇಳಿದೆ.
ಈಕ್ವಿಟಿ ಲಿಂಕ್ಡ್‌ ಸೇವಿಂಗ್ಸ್‌ ಯೋಜನೆಗಳು (ಇಎಲ್ಎಸ್ಎಸ್), ಮಿಡ್ ಮತ್ತು ಸ್ಮಾಲ್ ಕ್ಯಾಪ್ ಫಂಡ್‌ಗಳ ಗಳಿಕೆಯು ಕ್ರಮವಾಗಿ ಶೇ 65 ಮತ್ತು ಶೇ 67ರಷ್ಟು ಇದ್ದು, ಲಾರ್ಜ್‌ಕ್ಯಾಪ್‌ಗಳ ಗಳಿಕೆಗಿಂತ ಸ್ವಲ್ಪ ಉತ್ತಮವಾಗಿದೆ ಎಂದು ಹೇಳಿದೆ.
2020ರ ಏಪ್ರಿಲ್‌ನಲ್ಲಿ ಮಾರುಕಟ್ಟೆಯು ಕಂಡಿದ್ದ ಕುಸಿತದ ನಂತರದ ಚೇತರಿಕೆಯನ್ನು ಪರಿಗಣಿಸಿದರೆ ಫಂಡ್‌ಗಳ ಗಳಿಕೆಯು ಕಳಪೆ ಮಟ್ಟದ್ದಾಗಿದೆ ಎಂದು ಎಸ್‌ಆ್ಯಂಡ್‌ಪಿ ಡೋ ಜೋನ್ಸ್‌ ಇಂಡಿಸಿಸ್‌ನ ಸಹಾಯಕ ನಿರ್ದೇಶಕ ಆಕಾಶ್‌ ಜೈನ್‌ ಹೇಳಿದ್ದಾರೆ.
2020ರ ದ್ವಿತೀಯಾರ್ಧವು ಭಾರತದ ಈಕ್ವಿಟಿ ಆ್ಯಕ್ಟಿವ್ ಫಂಡ್‌ಗಳಿಗೆ ಸವಾಲಿನ ಅವಧಿಯಾಗಿತ್ತು. ಎಲ್ಲ ಲಾರ್ಜ್ಕ್ಯಾಪ್ ಫಂಡ್‌ಗಳು, ಇಎಲ್ಎಸ್ಎಸ್ ಫಂಡ್‌ಗಳಲ್ಲಿಶೇ 80ರಷ್ಟು ಹಾಗೂ ಮಿಡ್/ಸ್ಮಾಲ್ ಕ್ಯಾಪ್ ಫಂಡ್‌ಗಳಲ್ಲಿ 53ರಷ್ಟು ಫಂಡ್‌ಗಳು ಬೆಂಚ್‌ಮಾರ್ಕ್‌ ಸೂಚ್ಯಂಕಗಳಿಗೆ ಹೋಲಿಸಿದರೆ ಕಡಿಮೆ ಗಳಿಕೆ ತಂದುಕೊಟ್ಟಿವೆ ಎಂದು ತಿಳಿಸಿದ್ದಾರೆ.
2020ರ ಎರಡನೇ ತ್ರೈಮಾಸಿಕದ ಆರಂಭದಲ್ಲಿ ಪ್ರಬಲವಾದ ಚೇತರಿಕೆ ಶುರುವಾಗಿ 2020ರ ದ್ವಿತೀಯಾರ್ಧದವರೆಗೂ ಮುಂದುವರಿಯಿತು. ಎಸ್‌ಆ್ಯಂಡ್‌ಪಿ ಬಿಎಸ್‌ಇ 100 ಸೂಚ್ಯಂಕವು ಶೇ 36.48ರಷ್ಟು ಗಳಿಕೆಯೊಂದಿಗೆ ಆರು ತಿಂಗಳ ಅವಧಿಯನ್ನು ಮುಕ್ತಾಯಗೊಳಿಸಿತು ಎಂದಿದ್ದಾರೆ.
ಈಕ್ವಿಟಿ ಎಂಎಫ್‌: ಹೂಡಿಕೆ ಹೆಚ್ಚಳ
ನವದೆಹಲಿ (ಪಿಟಿಐ): ಮಾರ್ಚ್‌ ತಿಂಗಳಿನಲ್ಲಿ ಹೂಡಿಕೆದಾರರು ಈಕ್ವಿಟಿ ಮ್ಯೂಚುವಲ್‌ ಫಂಡ್‌ಗಳಲ್ಲಿ ಹೂಡಿಕೆ ಮಾಡಿರುವ ಮೊತ್ತವು, ಅವರು ಹಿಂಪಡೆದಿರುವ ಮೊತ್ತಕ್ಕಿಂತ ಹೆಚ್ಚಿದೆ.
2020ರ ಜುಲೈನಿಂದ 2021ರ ಮಾರ್ಚ್‌ವರೆಗಿನ ಅವಧಿಯಲ್ಲಿ ಬಂಡವಾಳದ ಒಳಹರಿವು ಹೆಚ್ಚಿರುವುದು ಇದೇ ಮೊದಲು.
ಚಿನ್ನದ ವಿನಿಮಯ ವಹಿವಾಟು ನಿಧಿಗಳಲ್ಲಿ (ಗೋಲ್ಡ್‌ ಇಟಿಎಫ್‌) ಮಾರ್ಚ್‌ನಲ್ಲಿ ₹ 662 ಕೋಟಿ ಹೂಡಿಕೆ ಆಗಿದೆ. ಫೆಬ್ರುವರಿಯಲ್ಲಿ ₹ 491 ಕೋಟಿ ಹೂಡಿಕೆ ಆಗಿತ್ತು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.